ප්‍රධාන චීන නගරයක් වන ටියැන්ජින් හි කන්ට්‍රි ගාර්ඩන් සමාගම විසින් සිදුකරන නේවාසික සංකීර්ණවල ඉදිකිරීම් මන්දගාමී වීම සහ ඔවුන් නවතා දමා ඇති ව්‍යාපෘති, චීනයේ දේපළ වෙළඳාම් අංශය මුහුණ දෙමින් සිටින අභියෝගය අවධාරණය කරනවා.
ලොව දෙවන විශාලතම ආර්ථිකය වන චීන ආර්ථිකයේ ණය අර්බුදය කෙතරම්දයත් කියා පාන්නේ වරක් මූල්‍යමය වශයෙන් ශක්තිමත් ලෙස සැලකූ කන්ට්‍රි ගාර්ඩන් සමාගමේ ව්‍යාපෘති වෙත එල්ල වී ඇති බලපෑමයි.
ටියැන්ජින් නගරයට නුදුරින් පිහිටා ඇති අර්ධ වශයෙන් නිම කරන ලද Yunhe Shangyuan සංකීර්ණය සමාගමේ දැනට පවතින මූල්‍ය අරගල පිළිබඳ සාක්ෂි සපයනවා.
වැඩබිමේ කම්කරුවන් නොගෙවූ වැටුප් සම්බන්ධයෙන් කනස්සල්ල පළ කරන අතර, ඇතැමුන් ප්‍රකාශ කළේ ජනවාරි මාසයේ චීන අලුත් අවුරුද්දේ සිට ඔවුන්ට ගෙවීම් ලැබී නොමැති බවයි.
කාර්යබහුල වරාය නගරයක් වන ටියැන්ජින් හි කන්ට්‍රි ගාර්ඩන් ව්‍යාපෘති දෙකක් ඇති අතර,මේ වන විට එම ව්‍යාපෘති දෙකම පවතින්නේ ක්‍රියාකාරකම් අඩු මට්ටමකයි.
වැඩබිමේ සේවකයින් නේවාසිකාගාරවල රැඳී සිටිමින් වැටුප් නොමැතිව මාස ගණනක් ගත කිරීමේදී මතුව ඇති පවුල් නඩත්තු කිරීම පිළිබඳ ගැටළු සම්බන්ධයෙන් කනස්සල්ල පළ කරනවා.
කලක් සාර්ථක දේපල සංවර්ධකයින්ගේ සංකේතයක් වූ කන්ට්‍රි ගාර්ඩන් හි දැන් පවතින මූල්‍ය අරගලය නිශ්චල දේපළ වෙළඳපොලේ පසුබෑම පිළිබිඹු කරන බවයි විචාරකයින් පවසන්නේ.
සමාගම මුහුණ දෙමින් සිටින අභියෝග චීන ආර්ථිකයේ සැලකිය යුතු ප්‍රවාහයක් වන දේපළ වෙළඳාම් අංශයට ද බලපෑමක් ඇති කරනවා.
මේ අතර, කළමනාකරණ ගැටළු විසඳීම සඳහා Yunjing Huating වැඩබිමේ ඉදිකිරීම් අත්හිටුවීමට රජය නියෝග කර ඇති බවයි ව්‍යාපෘති නියෝජිතයෙකු ප්‍රකාශ කළේ.
කෙසේ වෙතත් මෙම අත්හිටුවීම තාවකාලික වනු ඇතැයි අපේක්ෂා කෙරෙනවා.
කන්ට්‍රි ගාර්ඩන් සමාගම මුහුණදෙන ප්‍රශ්න එහි සේවකයන්ට පමණක් සීමා නොවී උප කොන්ත්‍රාත් කම්කරුවන් දක්වා මේ වන විට විහිද ගොස් තිබෙනවා.
කොන්ත්‍රාත්කරුවෙකු වන Shenyang Tengyue Construction සමාගම, කම්කරුවන්ගේ වැටුප් සම්බන්ධ විමසීම්වලට ප්‍රතිචාර දැක්වීමට අපොහොසත් වීම ඊට කදිම නිදසුනක්.
විශ්ලේෂකයින් ඇස්තමේන්තු කරන්නේ Country Garden හි නිවාස මිලියන 1 කට ආසන්න ප්‍රමාණයක් නිම කිරීමට බලා සිටින අතර එය සමාගමේ වත්මන් මූල්‍ය තත්ත්වය අනුව පුදුම සහගත අභියෝගයක් වන බවයි.
