වාර්ගික සමගිය සම්බන්ධ චීනයේ නව නීතියට එරෙහිව ටිබෙට් ජාතික පිටුවහල්වූවන් සිය ගණනක් ඉන්දියාවේ නවදිල්ලියේ දී දැවැන්ත විරෝධතාවක නිරත වුණා.
විරෝධතාකරුවන්ගෙන් පිරිසක් සිය හිස මුඩුකරමින් සංකේතාත්මක විරෝධයක් දැක්වූ අතර, තවත් පිරිසක් චීන ජනාධිපති ෂී ජින්පිං ට එරෙහි සටන් පාඨ කියමින් එක්සත් ජාතීන්ගේ සංවිධානයට මැදිහත් වන ලෙස ඉල්ලීම් කළා.
විරෝධතාකරුවන් පවසන්නේ ජූලි 1 වැනිදා සිට ක්රියාත්මක වූ මෙම නීතිය ටිබෙට් ජනතාවගේ අනන්යතාව, භාෂාව, සංස්කෘතිය සහ ආගමික සම්ප්රදායන්ට තර්ජනයක් වන අතර, ටිබෙට් ජනතාව චීන සමාජයට බලහත්කාරයෙන් අනුගත කිරීම සඳහා නීතිමය පදනමක් සපයන බවයි.
