අකුරැස්ස, අමලගොඩ ප්‍රදේශයේ ගරාජයක් මතට ගසක් කඩා වැටීමෙන් පුද්ගලයින් දෙදෙනෙක් ජීවිතක්ෂයට පත්ව තිබෙනවා.
අප වාර්තාකරු පැවසුවේ අද (22) පෙරවරුවේ මෙම අනතුර සිදුව ඇති බවයි.
මෙහිදී එක් අයෙක් අනතුර සිදුවූ එම ස්ථානයේදීම ජීවිතක්ෂයට පත්ව ඇති අතර, අනෙක් පුද්ගලයා රෝහල් ගතකරන අවස්ථාවේ දී ජීවිතක්ෂයට පත්ව ඇති බවයි වාර්තා වන්නේ.
මෙලෙස ජීවිතක්ෂයට පත්ව ඇත්තේ ගරාජයෙන් සේවාවක් ලබාගැනීමට පැමිණි අකුරැස්ස ප්‍රදේශයේ පදිංචි වයස අවුරුදු 65ක පුද්ගලයෙක් සහ 28 හැවිරිදි වියේ පසු වූ එම ගරාජයේ සේවකයෙක්.
ගස කඩාවැටීමෙන් තවත් පුද්ගලයින් තිදෙනෙක් තුවාල ලබා ඇති අතර, ඔවුන් මාතර මහ රෝහල වෙත ඇතුළත් කර තිබෙනවා.
ඔබේ ප්‍රතිචාරය කුමක්ද ?
+1
+1
+1
+1
+1
11
+1
4
+1
