කොළඹ නගරයේ අත්හිටුවා තිබූ රථවාහන නැවතුම් ගාස්තු යළි අය කිරීම තීරණය කර තිබෙනවා.
ඒ, අනුව හෙට (23) දිනයේ සිට යළි එම ගාස්තු අය කිරීමට කටයුතු කරන බවයි කොළඹ මහ නගර සභාවේ නාගරික කොමසාරිස් නිවේදනය කළේ.
ඉන්ධන පිරවුම්හල් අසල ඇති වූ වාහන පෝලීම් සහ ඒ අවට ඇති වූ තදබදය හේතුවෙන් නැවතුම් ගාස්තු අය කිරීම පසුගිය 18 වනදා සිට නැවත දැනුම්දෙනතුරු අත්හිටුවීමට කොළඹ මහ නගර සභාව කටයුතු කළා.
මේ වනවිට ක්රියාත්මක වන QR කේත ක්රමය සහ වාහන අංකය අනුව ඉන්ධන නිකුත් කිරීම සිදුවන බැවින් වාහන පෝලීම් අඩුවී ඇති බව නිරීක්ෂණයවීම හේතුවෙන් යළිත් එම ගාස්තු අය කිරීමට තීරණයට එළඹි බවයි කොළඹ මහ නගර සභාව පැවසුවේ.
