මීගහවත්ත පොලිස් වසමේ නව මහනුවර මාර්ගයේ දෙල්ගොඩ ප්‍රදේශයේ දී ත්‍රීරෝද රථයක් සහ මෝටර් රථයක් ගැටී දැරියක් ඇතුළු තිදෙනෙකු ජීවිතක්ෂයට පත්ව ඇති බව පොලිසිය සඳහන් කරනවා.
බියගම දෙස සිට දෙල්ගොඩ දෙසට ධාවනය වූ ත්‍රීරෝද රථය මාර්ගයේ දකුණු පසට හැරවීමට යාමේ දී ප්‍රතිවිරුද්ධ දෙසින් පැමිණි මෝටර් රථයේ ගැටීමෙන් මෙම අනතුර ඊයේ (19) දහවල් සිදුව තිබුණා.
අනතුරින් ත්‍රීරෝද රථ රියදුරු, එහි ගමන්ගත් කාන්තාවන් දෙදෙනෙකු හා ළමුන් දෙදෙනෙකු බරපතළ තුවාල ලබා උඩුපිල රෝහලට ඇතුළත් කිරිමෙන් පසු ත්‍රීරෝද රථ රියදුරු, කාන්තාවක් හා දැරියක් මියගොස් තිබෙනවා.
මෙලෙස ජීවිතක්ෂයට පත්ව ඇත්තේ 69 හැවිරිදි දෙල්ගොඩ පදිංචිව සිටි අයෙකු, 39 හැවිරිදි සහ 07 හැවිරිදි සියඹලාපේ ප්‍රදේශයේ පදිංචි මව සහ දියණිය බවයි වාර්තා වුණේ.
අනතුරින් තුවාල ලැබූ මෝටර් රථයේ ගමන්ගත් කුඩා දැරියක්ද රාගම රොහලට ඇතුළත් කර ඇති අතර, මීගහවත්ත පොලීසිය වැඩිදුර විමර්ශන සිදුකරනු ලබනවා.
