ලෝක කුසලාන ක්‍රිකට් තරගාවලියේ ශ්‍රී ලංකාව සහභාගී වන පළමු තරගය අද පැවැත්වෙනවා.
එය දකුණු අප්‍රිකා කණ්ඩායම සමග පැවැත්වෙන්නේ දිල්ලිහිදීයි.
කාසියේ වාසිය දිනූ ශ්‍රී ලංකා කණ්ඩායම තීරණය කළේ පළමුවෙන් පන්දුවට පහරදීමේ අවස්ථාව දකුණු අප්‍රිකා කණ්ඩායමට ලබාදීමටයි.
ශ්‍රී ලංකාව සහ දකුණු අප්‍රිකාව අතර පැවැත්වෙන මෙම තරගය මෙවර ලෝක කුසලාන ක්‍රිකට් තරගාවලියේ 4 වන තරගයයි. දිවා රාත්‍රී තරගයක් ලෙසටයි මෙය පැවැත්වෙන්නේ.
පැතුම් නිස්සංක, කුසල් ජනිත්, කුසල් මෙන්ඩිස්, සධීර සමරවික්‍රම, චරිත් අසලංක, ධනංජය ද සිල්වා, දසුන් ශානක, මතීෂ පතිරණ, දුනිත් වෙල්ලාගේ, කසුන් රාජිත සහ දිල්ෂාන් මදුෂංක අද ශ්‍රී ලංකා කණ්ඩායම නියෝජනය කරනවා.
ලෝක කුසලාන ක්‍රිකට් තරගාවලි ඉතිහාසයේ ශ්‍රී ලංකාව සහ දකුණු අප්‍රිකාව අවස්ථාව 6කදී එකිනෙකා මුණගැසී ඇති අතර ඉන් ශ්‍රී ලංකාව ජයග්‍රහණය කර ඇත්තේ එක් තරගයක් පමණයි. දකුණු අප්‍රිකාව තරග 4ක ජය ලබාගෙන තිබෙනවා.
