වනජීවී සංරක්ෂණ දෙපාර්තමේන්තුවට අලුත් වාහන

වනජීවී සංරක්ෂණ දෙපාර්තමේන්තුව වෙත නව වාහන ඇණියක් ලැබී තිබෙනවා.

පරිසර අමාත්‍ය ආචාර්ය ධම්මික පටබැඳිගේ ප්‍රධානත්වයෙන් අද (27) දින සංකේතාත්මකව එම වාහන වනජීවී සංරක්ෂණ දෙපාර්තමේන්තුවට භාර දෙනු ලැබුවා.

කැබ් රථ 16ක් සහ යතුරුපැදි 181ක් එම දෙපාර්තමේන්තුව වෙත ලැබී ඇති වාහන අතරට අයත්.

මෙම ප්‍රසම්පාදනය සඳහා රුපියල් බිලියන 02 කට ආසන්න මුදලක් වැය කර තිබෙනවා.

මෙම වාහන ප්‍රධාන වශයෙන් මිනිස්-අලි ගැටුම බහුලව සිදුවන ප්‍රදේශවල කාර්යාල සඳහා යෙදවීමට අපේක්ෂා කෙරෙනවා.

වනජීවී සංරක්ෂණ සහ බීට්ටු කාර්යාලවලට අනුයුක්ත නිලධාරීන් සඳහා වාහන 294ක් මිලදී ගැනීමට කැබිනට් අනුමැතිය හිමිව තිබෙනවා.