ඕස්ට්‍රේලියාව වයස අවුරුදු 16ට අඩු ළමයින්ට සමාජ මාධ්‍ය භාවිත කිරීම තහනම් කර තිබෙනවා.
එරට පාර්ලිමේන්තුව විසින් සම්මත කරගත් නීතියකට අනුව මෙම තහනම පනවා ඇති බවයි විදෙස් මාධ්‍ය වාර්තා කළේ.
සමාජ මාධ්‍ය ඔස්සේ දරුවන්ට සිදුවන හානිය අවම කිරීම සඳහා මෙම නව නීතිය එරට රජය විසින් ක්‍රියාත්මක කර ඇති බවයි වාර්තා වන්නේ.
එරට සන්නිවේදන අමාත්‍යවරයා සඳහන් කරන ආකාරයට TikTok, Facebook, Instagram, Snapchat සහ X යන සමාජ මාධ්‍ය මෙම නීතියට ඇතුළත් වනවා.
කෙසේ වෙතත් Youtube සමාජ මාධ්‍ය වේදිකාව සඳහා පිවිසීමේ මෙම නීතිය මඟින් බාධාවක් නොමැති බව සඳහන්.
මේ අතර යම් සමාජ මාධ්‍ය සමාගමක් මෙම නීතියට අනුකූල නොවන්නේ නම් එම සමාගමට එරෙහිව දඩ මුදලක් නියම කිරීමට ද හැකියාවක් මෙම නීතිය මඟින් පවතිනවා.
ඒ, අනුව ඩොලර් මිලියන 50ක දඩ මුදලක් නියම කිරීමට හැකියව පවතින බවයි වාර්තා වන්නේ.
මෙම තහනම පැනවූව ද ඩිජිටල් විශේෂඥයින් අනතුරු අඟවමින් පවසන්නේ VPN වැනි මෙවලම් ඔස්සේ මෙම සමාජ මාධ්‍ය වෙත පිවිසීමට හැකියාව පවතින බවයි.
