ෆෙඩරල් රජයේ වසා දැමීමේ දී ගමනාගමනය අඩු කරන ලෙස ගුවන් සමාගම්වලට මෙම සතියේ දැනුම් දීමෙන් පසු සෙනසුරාදා එක්සත් ජනපදයේ, ඉන් පිටතට හෝ අභ්යන්තර ගුවන් ගමන් 1,400 කට වැඩි ප්රමාණයක් අවලංගු කර ඇති බව වාර්තා වනවා.
ගුවන් ගමන් ට්රැකර් ෆ්ලයිට්අවෙයාර්ට අනුව, සිකුරාදා දිනයේ ගුවන් ගමන් 7,000කට වඩා ප්රමාදයක් සිදුව තිබුණා.
ෆෙඩරල් ගුවන් සේවා පරිපාලනය (FAA) සතිය මුලදී නිවේදනය කළේ රටේ කාර්යබහුලම ගුවන් තොටුපළවල් 40 ක ගුවන් ගමන් ධාරිතාව 10% දක්වා අඩු කරන බවයි.
මෙම වසා දැමීම හේතුවෙන් ගුවන් ගමනාගමන පාලකවරුන්ගේ හිඟයක් ඇති වූ අතර, සති ගණනාවක් පුරා ඔවුන්ට සිය වැටුප් පවා නොලැබී ඇති බවද සඳහන්.
මෙම තත්ත්වය හේතුවෙන් එක්සත් ජනපදයයේ ගුවන් මගීන් දැඩි දුශ්කරතාවකට පත්ව ඇති බවයි වාර්තා වන්නේ.
එක්සත් ජනපද පාර්ලිමේන්තුවේ මූල්ය පනත් කෙටුම්පතට අවසර නොලැබීම හේතුවෙන්, රජයේ අංශවලට අරමුදල් වෙන් කිරීමට නොහැකි වී ඇති අතර, එදිනෙදා වැඩ කටයුතුද මේ වන විට ඇණහිට ඇති බවයි වාර්තා වන්නේ.
රිපබ්ලිකන් සහ ඩිමොක්රටික් පක්ෂය තවමත් රජය නැවත විවෘත කිරීම සඳහා අරමුදල් යෝජනාවක් සඳහා එකඟ වී නොමැති බැවින්, ඉතිහාසයේ දීර්ඝතම වසා දැමීමේ 39 වන දිනය සෙනසුරාදා සනිටුහන් වූ බවයි විදෙස් වාර්තා සඳහන් කළේ.
