ඉන්දියානු රාජ්‍ය අමාත්‍ය වී.මුරලිදරන් හට ප්‍රාන්ත මැතිවරණයෙන් බටහිර බෙංගාලය ජයග්‍රහණය කළ මම්තා බැනර්ජීගේ පක්ෂය වන ඕල් ඉන්ඩියා ත්‍රිණාමූල් කොංග්‍රසයේ පක්ෂ සාමාජිකයන් විසින් පහර දී ඇතැයි වාර්තා වෙයි.
ඔහු විසින් බටහිර බෙංගාලයේ පශ්චාත් මැතිවරණ ප්‍රචණ්ඩ ක්‍රියා පිළිබඳව නිරික්ෂණය කිරීමට යෑමේදී මෙම පහර දීම සිදුකර තිබේ.
රාජ්‍ය අමාත්‍යවරයා විසින් ගමන් ගත් රථ පෙළ හරස් කරගත් මැර පිරිසක් විසින් පොලු රැගෙන රථවලට පහර දෙන ආකාරය මෙහිදී අමාත්‍යවරයා විසින් වීඩියෝ ගත කර ඇති එහිදී එක් පුද්ගලයෙකු විසින් අමාත්‍යවරයාගේ රථයේ ජනේලයකට පහර දෙන අතර එහී විදුරුව කැඩී යන ආකාරය ද සටහන්ව තිබුණි.
මේ වන විට පශ්චාත් මැතිවරණ ප්‍රචණ්ඩ ක්‍රියාවලින් පුද්ගලයින් 14 දෙනෙකු මියගොස් ඇති අතර ලක්ෂයකට ආසන්න ප්‍රමාණයක් සිය නිවෙස් අත්හැර ගොස් ඇති බවත් භාරතීය ජනතා පක්ෂයේ ප්‍රධානී ජේ.පී නන්දා විසින් ප්‍රකාශ කර තිබේ.
එමෙන්ම මෙම ගැටුම් ඇති කරන ලද්දේ ටී.එම්.සී නායිකා මම්තා බැනර්ජී විසින් බවට චෝදනා එල්ල කරන භාරතීය ජනතා පක්ෂය වැඩිදුරටත් කියා සිටින්නේ ජනතාවට සාමය පවත්වාගෙන යන ආකාරයෙන් කටයුතු කරන ලෙසයි.
ඊයේ (05) දිනයේ මහා අමාත්‍ය ධූරයේ දිවුරුම් දුන් මම්තා බැනර්ජි විසින් සිය ප්‍රතිඥාවෙන් පසුව මාධ්‍ය වෙත අදහස් දක්වමින් කියා සිටියේ නීතිය හා සාමය ප්‍රමුඛතාවයක් බවයි.
හදිසියේම ඇති වූ මෙම ප්‍රචණ්ඩත්වය හේතුව සොයා බැලීම සඳහා මධ්‍යම රජයේ ස්වදේශ කටයුතු අමාත්‍යරයා විසින් විශේෂ කමිටුවක් පත්කර ඇති අතර එම කමිටුව විසින් ප්‍රාන්තයේ ඇති තත්ත්වය නිරික්ෂණය කර වාර්තා කිරීමට පිටත්ව ගොස් ඇති බවත් වාර්තා වෙයි.
වී.මුරලිදරන් රාජ්‍ය අමාත්‍යවරයාට පහරදුන් අවස්ථාවේ වීඩියෝව පහතින්,
ඉන්යාවෙ ඉන්නෙ හොඳම පිස්සො