රත්තරං මිශ්‍ර පස් කන්ටේනරයක් මෙරටින් පිට කිරීම සදහා භූ විද්‍යා සමීක්ෂණ හා පතල් කාර්යාංශයේ වැඩබලන අධ්‍යක්ෂ ජනරාල් ආචාර්ය ස්ටෙරින් ප්‍රනාන්දු විසින් ඒම කාර්යාංශයේ අධ්‍යක්ෂවරුන් තිනෙකුට බලපෑම් ඒල්ල කර ඇති බව දසත නිවුස් වෙත තොරතුරු වාර්තා වනවා.
ඒම නිලදාරීන්ට අදාළ බලපෑම ඒල්ලවන්නේ 2018 වසරේ දී රත්තරං මිශ්‍රිත පස් අපනයනය කිරීම සම්බන්ධයෙන් අදාළ කාර්යාංශ නිලධාරීන් දෙදෙනෙකුගේ වැඩතහනමකට ලක් වූ පසුබිමක් තුළයි.
2014 වසරේ සිට 2017 වසර දක්වා කාලය තුළ රන් මිශ්‍ර පස් සහිත බහාලුම් 51ක් ඉන්දියාව, චීනය, කොරියාව, තායිලන්තය සහ සිංගප්පුරුව යන රටවලට මෙරටින් අපනයන කර තිබෙනවා.
කෙසේ වෙතත් ඒම පස් තොග අපනයනයේ දී ඒ් සම්බන්ධ පරීක්ෂණ නිසියාකාරව සිදු වී නැති බවයි පසුව කළ විගණන පරීක්ෂණවලදී හෙළි වුණේ.
රත්තරං මිශ්‍රිත පස් රටයැවීමේ සිද්ධිය සම්බන්ධයෙන් 2018 වසරේදී භූ විද්‍යා කාර්යාංශයේ නිලධාරීන් දෙදෙනෙකුගේ වැඩතහනමකට ලක් වුණා.
මෙවන් පසුබිමක් තුල විගණන වාර්තව මගින් නිර්දේශ කිහිපයක් ලබා දී තිබූ අතර, ඒහි ඒක නිර්දේශයක් වී තිබුනේ භූ විද්‍යා සමීක්ෂණ හා පතල් කාර්යාංශයේ විද්‍යාගාර වාර්තා නිකුත් කිරීමේදී අනුගමනය කළ යුතු සමස්ත ක්‍රියාවලිය පිලිබද අදාළ සියලු පාර්ශව ලිඛිතව දැනුවත් කළ යුතු බවයි.
විගණන නිර්දේශ ඒලෙස තිබුන ද පසුගිය සිකුරාදා කාර්යාංශය ඉදිරිපිටට ගෙනවිත් තිබූ රත්තරං මිශ්‍රත පස් බහාලුම ඉතා ඉක්මණින් නිදහස් කළ යුතු බව පවසමින් වැඩබලන අධ්‍යක්ෂ ජනරාල්වරයා භූ විද්‍යා අධ්‍යක්ෂවරුන් තිදෙනෙකුට බලපෑම් ඒල්ල කර තිබුණා.
