මෑතකදී රුසියාව වෙනුවෙන් යුක්‍රේනයේ යුද පෙරමුණට සම්බන්ධ වූ උතුරු කොරියානු සොල්දාදුවන්ට අසීමිත අන්තර්ජාල ප්‍රවේශයක් ලබා දී ඇති බව වාර්තා වනවා.
මෙම අසීමිත ප්‍රවේශයෙන් ප්‍රයෝජනයට ගනිමින් උතුරු කොරියානු සොල්දාදුවන් අන්තර්ජාලය හරහා අසභ්‍ය දර්ශන වෙත ඇලී ගැලී සිටින බවයි විදෙස් වාර්තා සඳහන් කරන්නේ.
ඇතැම් විශ්වාසදායක මූලාශ්‍ර පවසන්නේ රුසියාවට යොදවා ඇති උතුරු කොරියානු සොල්දාදුවන්ට මීට පෙර කිසි දිනෙක අසීමිත අන්තර්ජාල ප්‍රවේශයක් නොතිබූ බවයි.
එම තත්ත්වයත් සමඟ ඔවුන් මීට මෙලෙස හුරු වී ඇති බවයි විදෙස් වාර්තා සඳහන් කරන්නේ.
වර්ධනය වන මොස්කව්-උතුරු කොරියානු සබඳතා මධ්‍යයේ, රුසියාව යුක්‍රේන දේශසීමා ආසන්න ප්‍රදේශවලට AK-12 රයිෆල්, මෝටාර් උණ්ඩ සහ අනෙකුත් ප්‍රහාරක අවි වලින් සන්නද්ධ උතුරු කොරියානු සොල්දාදුවන් 7,000කට වඩා යෙදවීමට මේ වනවිටත් කටයුතු කර අවසන්.
මෙලෙස ස්ථාන ගතකර ඇති උතුරු කොරියානු සොල්දාදුවන් රුසියාවේ ඈත පෙරදිග විවිධ ස්ථාන පහක වැඩිදුර පුහුණුව ලබා ඇති බව යුක්‍රේනයේ ආරක්ෂක බුද්ධි අංශ පවසනවා.
