නඩු ලිපි ගොනුවක ලිපි ලේඛන සපා කා විනාශ කළ බවට සැකපිට පොලිස් අත්අඩංගුවට ගෙන අධිකරණයට ඉදිරිපත් කරනු ලැබූ සැකකාර නිතීඥවරිය රක්ෂිත බන්ධනාගාර ගතකර තිබෙනවා.
ඒ අනුව සැකකාර නිතීඥවරිය අද (28) දින කැකිරාව දිසා මහේස්ත්රාත් අධිකරණ වෙත ඉදිරිපත් කිරීමෙන් අනතුරුව ලබන අගෝස්තු මස 02 වැනිදා දක්වා රක්ෂිත බන්ධනාගාර ගතකර ලෙසයි නියෝග කර ඇත්තේ.
කැකිරාව දිසා මහේස්ත්රාත් අධිකරණයේ විභාග වෙමින් පැවැති ඉඩම් නඩුවකට අදාළව ලේඛනාගාරයේ තිබූ ලිපිගොනුවක ඇතුළත්ව තිබූ ලේඛන පිටපත් දෙකක් ඉරා සපා කා විනාශ කළ බව කියන චෝදනාවට අදාළ නීතිඥවරියක කැකිරාව පොලිසිය මඟින් ඊයේ අත්අඩංගුවට ගෙන තිබුණා.
අධිකරණයේ නඩු කටයුතු සිදුවෙමින් පැවැති කාලය තුළ දී ඇය අධිකරණ ලේඛණාගාරයේ තිබූ ඉඩම් නඩුවකට අදාළ නඩු ගොනුවේ තිබූ ලේඛන දෙකක් එම ගොනුවෙන් ඉරා ගෙන එම ස්ථානයේදීම සපා කා විනාශ කර ඇති බවයි පොලිසිය පැවසුවේ.
සිද්ධිය සම්බන්ධයෙන් එම අවස්ථාවේ ලේඛනාගාරයේ රාජකාරියේ නිරතව සිටි අධිකරණ කාර්ය මණ්ඩලයේ නිලධාරීන් හා නිලධාරිණියන් විසින් අධිකරණයේ රෙජිස්ටාර්වරයාට දැනුම්දිමට පියවර ගැනුණු අතර,එම අවස්ථාවේ අධිකරණ භූමියේ රාජකාරියේ නිරතව සිටි පොලිස් නිලධාරිනියන්ට ඒ පිළිබඳව පැමිණිලිකර තිබෙනවා.
එහිදී පොලිස් නිලධාරිනියන් නීතීඥවරිය පරීක්ෂාවට ලක් කර ඇති අතර, එහිදී ඇය විසින් සපා විනාශ කර තිබූ ලේඛන කොටස් කිහිපයක් ද සොයාගත් බව පොලිසිය සඳහන් කළේ.
ඒ, අනුව සැකකාර නීතිඥවරිය අදාළ නඩු භාණ්ඩ ද සමඟ අත්අඩංගුවට ගැනීමට පොලිසිය කටයුතු කර තිබුණා.
