මත්ද්රව්ය ජාවාරමේ යෙදුණු බව කියන කාන්තා පොලිස් කොස්තාපල්වරියක් ඊයේ (26) බදුල්ල ප්රදේශයේ දී වැලිමඩ, අඹගස්දෝව පොලිසිය මඟින් අත්අඩංගුවට ගැනුණා.
එහිදී සැකකාර කොස්තාපල්වරිය සන්තකයේ තිබී හෙරොයින් ග්රෑම් 04යි මිලිග්රෑම් 200ක් සහ මත්ද්රව්ය ජාවාරමෙන් උපයාගත් බවට සැක කෙරෙන රුපියල් 26,000ක මුදලක් ද ඇය සන්තකයේ තිබී පොලිස් භාරයට ගෙන තිබුණා.
අත්අඩංගුවට ගත් 37 හැවිරිදි පොලිස් කොස්තාපල්වරිය බදුල්ල කොට්ඨාස විශේෂ විමර්ශන ඒකකයට අනියුක්තව රාජකාරි කළ නිලධාරිනියක් බවයි තොරතුරු වාර්තා වුණේ.
මේ අතර ඇය සමඟ මෙම ජාවාරමට සම්බන්ධ බව කියන සැකකාරියන් තිදෙනෙක් සහ සැකකරුවෙක් ද අත්අඩංගුවට ගත් බවයි පොලිසිය සඳහන් කළේ.
අත්අඩංගුවට ගත් එම සැකකරුවන් බදුල්ල, හැගොඩ සහ උදයගම යන ප්රදේශවල පදිංචිකරුවන් වන අතර, ඔවුන්ගෙන් තිදෙනෙකු එකම පවුලේ මව, දියණිය සහ දියණියගේ ස්වාමිපුරුෂයා බවයි පොලිසිය සඳහන් කළේ.
අත්අඩංගුවට ගැනුණු මෙම සැකකරුවන් සන්තකයේ තිබියදී ද හෙරොයින් මත්ද්රව්යසොයා ගැනීමට පොලිසියට හැකිව තිබෙනවා.
සැකකාර කොස්තාපල්වරිය මීට පෙර කළුතර පොලිස් කොට්ඨාසයේ සිට 2023 වර්ෂයේ දී බදුල්ල කොට්ඨාසය වෙත ස්ථාන මාරුවීම් ලබා පැමිණි තිබෙනවා.
සැකකාරිය මෙම මත්ද්රව්ය ජාවාරම සිදුකර ලබාගන්නා මුදල් ඇයගේ මවගේ බැංකු ගිණුමකට බැරකර සැකකාරිය විසින් ලබාගෙන ඇති බවට සිදුකළ විමර්ශනවල දී කරුණු අනාවරණය වී ඇති බව පොලිසිය සඳහන් කළා.
අත්අඩංගුවට ගත් සැකකරුවන් බණ්ඩාරවෙල මහේස්ත්රාත් අධිකරණය වෙත ඉදිරිපත් කිරීමෙන් අනතුරුව රැදවුම් නියෝග ලබා ගැනීමට කටයුතු කරන බවයි පොලිසිය වැඩිදුරටත් පැවසුවා.
