අල්ලස් ලබාගැනීමේ සිද්ධියක් සම්බන්ධයෙන් අත්අඩංගුවට ගත් හිටපු පළාත් සභා මන්ත්රී සලෝචන ගමගේ ඇතුළු ව්යාපාරිකයා ලබන 06 වනදා දක්වා රක්ෂිත බන්ධනාගාර ගත කිරීමට නියෝග කර තිබෙනවා.
ඒ, එම සැකකරුවන් දෙදෙනා අද (28) කොළඹ අතිරේක මහේස්ත්රාත්වරයා හමුවට ඉදිරිපත් කිරීමෙන් අනතුරුවයි.
ව්යාපාරිකයෙකුගෙන් රුපියල් මිලියන 09ක අල්ලස් මුදලක් ලබාගත් බව කියන සිද්ධියකට හිටපු පළාත් සභා මන්ත්රීවරයා සහ ව්යාපාරිකයෙක් අල්ලස් හෝ දූෂණ විමර්ශන කොමිසම විසින් ඊයේ (27) අත්අඩංගුවට ගෙන තිබුණා.
මාදිවෙල ප්රදේශයේ පුද්ගලයෙකු විසින් සිදුකරන ලද පැමිණිල්ලකට අනුව පිටකෝට්ටේ ප්රදේශයේ දී මෙම අත්අඩංගුවට ගැනීම සිදුකර ඇති බවයි වාර්තා වුණේ.
පැමිණිලිකරුගේ ඥාතියෙකුට අයත් ටොරිංටන් ඇවෙනිව් ප්රදේශයේ පිහිටි ඉඩමක් නාගරික සංවර්ධන අධිකාරිය මගින් පවරා ගැනීමෙන් අනතුරුව එම ඉඩමකට අදාළ වන්දි මුදල් කඩිනමින් ලබාගැනීමට උදව්කරන බව පවසා මෙම මිලියන 09ක අල්ලස් මුදල සැකකරුවන් දෙදෙනා විසින් ලබාගෙන ඇති බවයි වාර්තා වුණේ.
