ඉරානයේ ඓතිහාසික ඉස්ෆහාන් නගරයට දහස් සංඛ්යාත ඉරාන වැසියන් මේ වනවිට රැස්ව ඇති බව විදෙස් මාධ්ය වාර්තා කරනවා.
එක්සත් ජනපද- ඊශ්රායල ප්රහාර හමුවේ ඝාතනයට ලක්වූ ඉරාන උත්තරීතර නායක අයතුල්ලා අලි කමේනිට උපහාර දැක්වීම සඳහා ශෝකයට පත් වූ ඉරාන වැසියන් දහස් ගණනක් මෙලෙස ඓතිහාසික ඉස්ෆහාන් නගරයට රැස්ව සිටින බවයි වාර්තා වුණේ.
සෙනසුරාදා ටෙහෙරානයට එල්ල වූ එක්සත් ජනපද-ඊශ්රායල ඒකාබද්ධ ප්රහාරයකින් පසු කමේනිගේ මරණයට පත් වූ බව අද අලුයම ඉරාන රජය තහවුරු කළා.
මේ අතර ඊශ්රායලය, ඉරානය බෙදීමට උත්සාහ කරන බව ඉරානයේ උත්තරීතර ජාතික ආරක්ෂක කවුන්සිලයේ ලේකම් අලි ලරිජානි පවසනවා.
එක්සත් ජනපදය සමඟ ඒකාබද්ධ ප්රහාරයකින් පසු ඊශ්රායලය තම රට බෙදීමට උත්සාහ කරන බවයි ඔහු චෝදනා කරන්නේ.
ට්රම්ප් “කොල්ලකෑමේ පරිපූර්ණ සංකේතය” ලෙස ද ලරිජානි විස්තර කළ අතර, ඔහු ඉරානයෙන් සම්පත් උදුරා ගැනීමට උත්සාහ කරන බවයි අලි ලරිජානි පැවසුවේ.
ඇමරිකාව සහ සියොන්වාදී තන්ත්රය ඉරාන ජාතියේ හදවත් පුළුස්සා දැමූ බවත්, ඉරානය ද ඔවුන්ගේ හදවත් පුළුස්සා දමන බවට සහතික වන බවයි ඉරානයේ උත්තරීතර ජාතික ආරක්ෂක කවුන්සිලයේ ලේකම්වරයා වැඩිදුරටත් සඳහන් කළේ.
මේ අතර ඊශ්රායලයේ ආරක්ෂක අමාත්ය කැට්ස් නෙතන්යාහු, අලි කමේනිගේ ඝාතනය සමරමින් රටේ හමුදාවට සුබ පැතුම් එක්කර තිබෙනවා.
“ඊශ්රායලය විනාශ කිරීමට ක්රියා කළ තැනැත්තා – විනාශ වී ඇත,” යනුවෙන් කැට්ස් නෙතන්යාහු එක්ස් සමාජ මාධ්යයේ සටහනක් තබමින් පවසා තිබෙනවා.
