කොළඹ, වරාය නගරයේ (Port City) පසුගිය 28 වැනිදා පැවති සාදයකට සහභාගී වූ තරුණයෙක් සහ තරුණියක් ජීවිතක්ෂයට පත්ව ඇති බව වරාය පොලිසිය පවසනවා.
පසුගිය 28 වැනිදා වරාය නගරයේ වෙරළ තීරයක පැවති ‘EDM සංගීත ප්රසංගයකට’ සහභාගී වූ වැල්වැටිතුරය ප්රදේශයේ පදිංචි 24 හැවිරිදි තරුණයෙක් සහ, මේ වන තෙක් පොලිසිය විසින් ස්ථිර පදිංචිය තහවුරු නොකර ගත් 29 හැවිරිදි තරුණියක් මෙලෙස ජීවිතක්ෂයට පත්ව ඇති බවයි පොලිසිය සඳහන් කළේ.
මියගිය තරුණිය වෙරළ තීරයේ වැටී සිටියදී එය දුටු පිරිසක් විසින් ඇයව රෝහල්ගත කිරීමට කටයුතු කර තිබූ අතර පසුව ඇය ජීවිතක්ෂයට පත්ව තිබුණා.
ජීවිතක්ෂයට පත්වූ තරුණයාගේ මෘත ශරීරය, වරාය නගරය ආසන්නයේ මුහුදේ පාවෙමින් තිබියදී හමුවී ඇති බවත් පොලිසිය සඳහන් කළා.
එමෙන්ම මෙම මරණ සඳහා හේතුව මත්ද්රව්ය භාවිතය බවට දැනට අනාවරණය වී ඇති බවත් වරයා පොලිසියේ නිලධාරියෙක් අප කළ විමසිකදී සඳහන් කළා.
කෙසේ වෙතත් ජීවිතක්ෂයට පත්වූ තරුණයා සහ තරුණිය අතර සම්බන්ධයක් හෝ හැඳුනුම්කමක් පැවතියේද යන්න මේ වන තෙක් අනාවරණය වී නොමැති අතර ඒ සම්බන්ධයෙන් පොලිසිය විසින් වැඩිදුර පරීක්ෂණ පවත්වනවා.
