රට තුළ ක්‍රියාත්මක වන ලියාපදිංචි සහ ලියාපදිංචි නොකළ රාජ්‍ය නොවන සංවිධාන (NGO) සහ ඒවාට අරමුදල් සපයන්නේ කවුරුන්ද යන්න හඳුනා ගැනීම සඳහා පාර්ලිමේන්තු තේරීම් කාරක සභාවක් පත්කළ යුතු බවට ශ්‍රී ලංකා පොදුජන පෙරමුණේ පාර්ලිමේන්තු මන්ත්‍රී නාමල් රාජපක්ෂ යෝජනා කරනවා.
මේ සම්බන්ධයෙන් තමන් පාර්ලිමේන්තුවේ කතානායකවරයාට ලිපියක් මඟින් දැනුම්දීමට කටයුතු කරන බවයි මන්ත්‍රීවරයා පවසන්නේ.
සිය නිල එක්ස් ගිණුමේ සටහනක් තබමින් නාමල් මන්ත්‍රීවරයා මේ බව සදහන් කර තිබෙනවා.
එලෙස පාර්ලිමේන්තු තේරීම් කාරක සභාවක් පත් කිරීමට කටයුතු කළ හොත් ඊට ශ්‍රී ලංකා පොදුජන පෙරමුණේ සහාය ද ලබාදෙන බවයි ඔහු වැඩිදුරටත් පවසන්නේ.
2009 දී ශ්‍රී ලංකාව යුද්ධය අවසන් කළ දා සිට, දරිද්‍රතාවයෙන් පෙළෙන ප්‍රදේශවල ජීවනෝපායන් ශක්තිමත් කිරීම හෝ යුද්ධයෙන් නැවත පදිංචි කිරීම සඳහා කටයුතු කරන මුවාවෙන් රට තුළ ඇතැම් රාජ්‍ය නොවන සංවිධාන ක්‍රියාත්මක වන බවයි මන්ත්‍රීවරයා අදාළ එක්ස් සටහනේ සඳහන් කර ඇත්තේ.
wpDiscuz
