සන්රයිසස් හයිද්රාබාද් කණ්ඩායමට එරෙහිව පැවැත්වෙන අයි.පී.එල්. අවසන් මහා තරගයට පෙර කොල්කටා නයිට් රයිඩර්ස් කණ්ඩායමේ අවසන් පුහුණු සැසියට වර්ෂාවෙන් බාධා එල්ල වී තිබෙනවා.
කොල්කටා කණ්ඩායම ඊයේ (25) සවස් වරුවේ විදුලි ආලෝකය යටතේ පුහුණුවීම් කිරීමට නියමිතව තිබුණ ද ක්රීඩකයින් ඔවුන්ගේ සුපුරුදු ඇඟ උණුසුම් කිරීමේ ව්යායාම ආරම්භ කරන විට වර්ෂාව පතිත වුණා.
මේ අතර හයිද්රාබාද් කණ්ඩායම ඊයේ දිනය විවේක දිනයක් ලෙස ගතකිරීම ද විශේෂත්වයක්.
අවසන් තරගය සඳහා අද දිනයේ යොදාගන්නා තණ තීරුවේ මූලික සංයුතිය රතු පස්වන අතර, පන්දුව පිත්තට වඩා හොඳින් පැමිණෙනු ඇතැයි අපේක්ෂා කෙරෙනවා.
අද දිනයේ තරගය පැවැත්වෙන්න චෙන්නායි හි චිදම්බරම් ක්රීඩාංගණය පිහිටි ප්රදේශයේ කාලගුණය සම්බන්ධයෙන් අද වර්ෂාව පිළිබඳ නිල පුරෝකථනයක් සිදුකර නැහැ.
කෙසේ නමුත් අඩු ආර්ද්රතාවය සමඟ අහස වළාකුළුවලින් පිරී පවතිනු ඇතැයි අපේක්ෂා කෙරෙනවා.
මේ අතර වර්ෂාව හේතුවෙන් අද දිනයේ තරගයට බාධාවක් එල්ල වුවහොත් අමතර දිනයක් ලෙස හෙට (27) දිනය අවසන් මහා තරගය සඳහා වෙන්කර තිබෙනවා.
