බංග්ලාදේශයේ දඟ පන්දු යවන්නියක් වන ෂොහෙලි අක්තර් හට ජාත්‍යන්තර ක්‍රිකට් කවුන්සිලය විසින් වසර 05ක කාලයක් තරග තහනමක් පනවා තිබෙනවා.
දූෂණ චෝදනා මත මෙම තීන්දුව ගෙන ඇති බවයි වාර්තා වන්නේ.
2022 දී අවසන් වරට බංග්ලාදේශය වෙනුවෙන් ක්‍රීඩා කළ දඟ පන්දු යවන්නියක් වන අක්තර්, දූෂණ චෝදනා මත තහනමට ලක් වූ පළමු ජාත්‍යන්තර කාන්තා ක්‍රිකට් ක්‍රීඩිකාව ලෙසටත් ඉතිහාසගත වනවා.
එක්දින තරග දෙකක් සහ විස්සයි20 තරග 13ක් ක්‍රීඩා කර ඇති අක්තර්, පාවාදීමකට උත්සාහ කිරීම, අල්ලසක් ලබා දීම සහ ICC දූෂණ විරෝධී නීති සංග්‍රහයේ (ACU) ප්‍රවේශයක් පිළිබඳ සම්පූර්ණ තොරතුරු හෙළි නොකිරීම මෙන්ම විමර්ශනයට බාධා කිරීම යන චෝදනාවලට වරදකරු වී ඇති බවයි පැවසෙන්නේ.
දූෂණ විරෝධී නීති සංග්‍රහයේ විධිවිධාන පහක් උල්ලංඝනය කළ බව පිළිගත් පසු ඇයට වසර පහක ක්‍රිකට් තහනමක් පනවා තිබෙනවා.
දකුණු අප්‍රිකාවේ පැවති 2023 කාන්තා විස්සයි20 ලෝක කුසලාන තරගාවලියේ දී බංග්ලාදේශ ක්‍රිකට් ක්‍රීඩිකාවකට ඇය කළ බලපෑමක් වටා ඇයට එරෙහි චෝදනා කේන්ද්‍රගත වුණා.
