ඉන්දීය අග්රාමාත්ය නරේන්ද්ර මෝදිගේ විශේෂ ආරාධනය අනුව ජනාධිපති අනුර කුමාර දිසානායක AI Impact Summit 2026 සඳහා සහභාගි වීමට හෙට (17) පස්වරුවේ ඉන්දියාව බලා පිටත්ව යාමට නියමිතයි.
කෘත්රිම බුද්ධිය මානව වර්ගයාගේ යහපත උදෙසා වගකීම් සහගතව භාවිත කිරීමේ අරමුණින් ඉන්දීය අග්රාමාත්ය නරේන්ද්ර මෝදිගේ ප්රධානත්වයෙන් මෙම සමුළුව පැවැත්වෙන අතර, ජනාධිපති අනුර කුමාර දිසානායක ලබන 19 වනදා සමුළුව ඇමතීමට නියමිතව තිබෙනවා.
දින 05ක් පුරා පැවැත්වෙන සමුළුව සඳහා රටවල් 20ක රාජ්ය නායකයන් සහ රටවල් 45කට වැඩි සංඛ්යාවක නියෝජිතයන් සහභාගි වීමට නියමිතයි.
එමෙන්ම, මෙම සමුළුවේ දී කෘත්රිම බුද්ධි තාක්ෂණයේ අනාගත ගමන්මඟ සහ ගෝලීය අභියෝග ජය ගැනීමට එය භාවිත කළ හැකි ආකාරය පිළිබඳ දීර්ඝ ලෙස සාකච්ඡා කෙරෙනවා.
මෙම ඉන්දියානු සංචාරය අතරතුර ජනාධිපතිවරයා ඉන්දීය අග්රාමාත්ය නරේන්ද්ර මෝදි ඇතුළු රාජ්ය නායකයන් කිහිප දෙනෙකු සමඟ ද්විපාර්ශ්වික සාකච්ඡා පැවැත්වීමට ද නියමිත බවයි ජනාධිපති මාධ්ය අංශය සඳහන් කළේ.
