සර්ව පාක්ෂික ආණ්ඩුවක් වෙනුවෙන් ඉදිරිපත් වූ යෝජනා අද එළිදකී

සර්ව පාක්ෂික ආණ්ඩුවක් වෙනුවෙන් දේශපාලන පක්ෂ සමඟ සිදුකළ සාකච්ඡාවලදී එම පක්ෂ ඉදිරිපත් කළ යෝජනා අද (08) දිනයේ දී ඊට සහභාගී වූ සියලු පක්ෂවලට පොදුවේ ලබාදීමට නියමිතයි.

ජනාධිපති රනිල් වික්‍රමසිංහ විසින් අදාළ යෝජනා දේශපාලන පක්ෂ වෙත ලබාදීමට නියමිත බව සඳහන්.

සර්ව පාක්ෂික වැඩපිළිවෙලක් සඳහා පාර්ලිමේන්තුව නියෝජනය කරන සියලුම දේශපාලන පක්ෂවල සහයෝගය ලබාදෙන ලෙසට ජනාධිපතිවරයා පසුගිය දා විවෘත ආරාධනයක් කළා.

ඊට සාධනීය ප්‍රතිචාරය දැක්වූ පර්ලිමෙන්තුව නියෝජන කරන ඇතැම් දේශපාලන පක්ෂ සර්ව පාක්ෂික වැඩපිළිවෙල සම්බන්ධයෙන් ජනාධිපතිවරයා සමඟ සකච්ඡා කිරීමට එක් වුණා.

මේ අතර තවත් දේශපාලන පක්ෂ කිහිපයක් අතර මෙම සතියේදී ද සර්ව පාක්ෂික ආණ්ඩුවක් සඳහා වූ වැඩපිළිවෙල සම්බන්ධයෙන් ජනාධිපතිවරයා සාකච්ඡා කිරීමට නියමිත බවයි වාර්තා වුණේ.