මීටියාගොඩ ප්රදේශයේ ඉන්ධන පිරවුම්හලක් අසලදී තරුණයෙකු ඝා%තනය කිරීමේ සිද්ධිය, බටපොල ප්රාදේශීය සභා මන්ත්රීවරයෙකුගේ සැලසුමක් මත සිදුකර ඇති බවට අනාවරණ වී තිබෙනවා.
ඒ අනුව අදාළ සැකකරු අත්අඩංගුවට ගැනීම සඳහා මෙහෙයුම් ආරම්භ කර ඇති බවයි පොලිස් මාධ්ය ප්රකාශක නියෝජ්ය පොලිස්පති අජිත් රෝහණ කියා සිටියේ.
පසුගිය 25 වනදා සිදුවූ මෙම සිද්ධියේදී ඝාතනයට ලක්ව තිබුණේ 24 හැවිරිදි තරුණයෙක්.
සිදුවීම සම්බන්ධයෙන් මේ වනවිට සැකකරුවන් 5 දෙනෙකු අත්අඩංගුවට ගෙන තිබෙනවා.
පොලිස් මාධ්ය ප්රකාශකවරයා ජනතාවගෙන් ඉල්ලා සිටින්නේ ඝාතනය සැලසුම් කළ බවට අනාවරණ වී ඇති, දැනට පොලීසිය මඟ හරිමින් සිටින අදාළ ප්රාදේශීය සභා මන්ත්රීවරයා සම්බන්ධයෙන් යම් තොරතුරක් වෙතොත් දැනුම් දෙන ලෙසටයි.
