අදට යෙදෙන 74 වන ජාතික නිදහස් දිනය වෙනුවෙන් ජනාධිපතිවරයාට ආණ්ඩුක්‍රම ව්‍යවස්ථාවේ 34 වන වගන්තියේ පැවරී ඇති බලතල අනුව බන්ධනාගාරගත සිරකරුවන් 197 දෙනෙකුට ජනාධිපති රාජ්‍ය සමාවක් ප්‍රදානය කර තිබෙනවා.
ඒ අනුව, මහර බන්ධනාගාරයේ සිරකරුවන් 20 ක් / කෑගල්ල බන්ධනාගාරයේ සිරකරුවන් 18ක් / වැලිකඩ බන්ධනාගාරයේ සිරකරුවන් 17ක් සහ කළුතර බන්ධනාගාරයේ සිරකරුවන් 13 ක් අද නිදහස ලැබීමට නියමිතයි.
බෝගම්බර බන්ධනාගාරයේ සිරකරුවන් 11 ක් / මඩකලපුව බන්ධනාගාරයේ සිරකරුවන් 11 ක් / වාරියපොල බන්ධනාගාරයේ සිරකරුවන් 10 ක් ඇතුලු දිවයින තුළ බන්ධනාගාරගත සිරකරුවන් 197 දෙනෙකුට මෙලෙස විශේෂ රාජ්‍ය සමාව හිමි වී තිබෙනවා.
