මෙම වසරේ මේ දක්වා කාලය තුළ මෙරටින් වාර්තා වී ඇති සමස්ත ඩෙංගු රෝගීන් සංඛ්‍යාව 92,011 දක්වා ඉහළ ගොස් ඇති බව ජාතික ඩෙංගු මර්ධන ඒකකය පවසනවා.
මේ වනවිට වාර්තා වී ඇති ඩෙංගු රෝගීන්ගෙන් 52.96%ක් එනම් රෝගීන් 48,725ක් බස්නාහිර පළාතෙන් වාර්තා වනවා.
දෙවැනියට වැඩිම රෝගීන් සංඛ්‍යාවක් වාර්තා වන්නේ දකුණු පළාතෙන් වන අතර, එම රෝගීන් ගණන 13,533ක් ලෙස දැක්වෙන්නේ.
එමෙන්ම මධ්‍යම පළාතෙන් ඩෙංගු රෝගීන් 8,274 දෙනෙක් සහ සබරගමුව පළාතෙන් රෝගීන් 7,558ක් වාර්තා වී තිබෙනවා.
දිස්ත්‍රික් මට්ටමින් සලකා බැලීමේ දී වැඩිම රෝගීන් සංඛ්‍යාවක් ගම්පහ දිස්ත්‍රික්කයෙන් වාර්තා වී ඇති බවයි ජාතික ඩෙංගු මර්ධන ඒකකය සඳහන් කරන්නේ.
ඒ, අනුව ගම්පහ දිස්ත්‍රික්කයෙන් ඩෙංගු රෝගීන් 19,631 දෙනෙක් වාර්තා වී ඇති අතර, දිස්ත්‍රික් මට්ටමින් දෙවැනියට වැඩිම රෝගීන් සංඛ්‍යාවක් වාර්තා වන්නේ කොළඹ දිස්ත්‍රික්කයෙන්.
කොළඹ දිස්ත්‍රික්කයෙන් ඩෙංගු රෝගීන් 18,245ක් සහ මහනුවර දිස්ත්‍රික්කයෙන් රෝගීන් 6,613 දෙනෙක් වාර්තා වනවා.
මේ අතර මෙම වසර තුළ දී වාර්තා වී ඇති ඩෙංගු මරණ ගණන 68ක් ලෙසයි දැවෙන්නේ.
