ජනාධිපති අනුර කුමාර දිසානායකගේ ආරාධනාවකට අනුව නිල සංචාරක් සඳහා දිවයිනට පැමිණි වියට්නාම් සමාජවාදී ජනරජයේ ජනාධිපති ටෝ ලාම්ට කටුනායක ගුවන් තොටුපොළේ දී උණුසුම් පිළිගැනීමක් හිමි වුණා.
වියට්නාම ජනාධිපතිවරයාව, අග්රාමාත්ය ආචාර්ය හරිනි අමරසූරිය විසින් කටුනායක ජාත්යන්තර ගුවන්තොටුපොළේ දී පිළිගනු ලැබුවා.
වියට්නාම ජනාධිපතිවරයා ඇතුළු එරට රාජතාන්ත්රික නියෝජිත පිරිස පිළිගැනිම වෙනුවෙන් පරිසර අමාත්ය වෛද්ය දම්මික පටබැඳි, විදේශ කටයුතු සහ විදේශ රැකියා නියෝජ්ය අමාත්ය අරුන් හේමචන්ද්ර ඇතුළු විදේශ කටයුතු අමාත්යාංශයේ ජ්යෙෂ්ඨ නිලධාරීන් පිරිසක්ද එක්ව සිටියා.
ඔහු සමඟ දූත පිරිස ලෙස තවත් 209 දෙනෙකු ඊයේ (07) රාත්රියේ මෙලෙස දිවයිනට පැමිණි බවයි වාර්තා වුණේ.
වියට්නාම ජනාධිපතිවරයා ඇතුළු දූත පිරිස ඉන්දියාවේ මුම්බායි නුවර සිට වියට්නාම් ගුවන් සේවයට අයත් වී.එන්.- 1 දරන ගුවන් යානයෙන් දිවයිනට පැමිණියා.
ජනාධිපති ටෝ ලාම් සමඟ වියට්නාම් රජයේ ජ්යෙෂ්ඨ අමාත්යවරු සහ වියට්නාම් කොමියුනිස්ට් පක්ෂයේ මධ්යම කාරක සභාවේ ලේකම් ඇතුළු ප්රමුඛ දේශපාලන නායකයින් පිරිසක් මෙම සංචාරයට එක්ව සිටිනවා.
දිවයිනට පැමිණි වියට්නාම ජනාධිපතිවරයා අද (08) දිනයේ ශ්රී ලංකා පාර්ලිමේන්තුව ඇමතීමට නියමිතයි.
මේ අතර පාර්ලිමේන්තුව අවට විශේෂ ආරක්ෂක වැඩපිළිවෙලක් ද ක්රියාත්මක කර තිබෙනවා.
