මැද පෙරදිග කලාපයේ උද්ගත වී තිබෙන යුදමය තත්ත්වයත් සමඟ ගෝලීය වශයෙන් ඇතිවිය හැකි ඉන්ධන අර්බුදය සම්බන්ධයෙන් සලකා බලා පරිපාලන සේවා සහ පාසල් පැවැත්වීම වැනි අංශ කිහිපයක් විශේෂ ක්රමවේදයක් ඔස්සේ පවත්වාගෙන යාමට පාකිස්ථානය සැලසුම් කර තිබෙනවා.
ඒ අනුව ඊයේ (09) රාත්රියේ දී පාකිස්තාන අගමැති ෂරීෆ් නිවේදනය කළේ, සියලුම රජයේ කාර්යාල සතියකට දින හතරක පවත්වා ගෙන යන බවත්, පාසල් සහ විශ්ව විද්යාල ඉදිරි සති දෙක සඳහා වසා තබා, උසස් අධ්යාපන ආයතන මාර්ගගත ක්රමය ඔස්සේ අඛණ්ඩව පවත්වාගෙන යන බවයි.
එමෙන්ම සියලුම රාජ්ය සහ පෞද්ගලික සමාගම්වලින් ඔවුන්ගේ කාර්ය මණ්ඩලයෙන් 50%ක් නිවසේ සිට වැඩ කරන ක්රමවේදයට යටත්ව පවත්වාගෙන යන ලෙසද පාකිස්තාන අග්රාමාත්යවරයා උපදෙස් දී තිබෙනවා.
සියලුම රජයේ නිල වාහන සඳහා ඉදිරි මාස දෙකට නියමිත ඉන්ධන ප්රමාණයෙන් 50%ක ඉන්ධන අඩුවෙන් ලබා දීමටත් තිඅරණය කර ඇති බවයි විදෙස් මාධ්ය පවසන්නේ.
ඊට අමතරව සියලුම පාර්ලිමේන්තු මන්ත්රීවරුන් සඳහා 25%ක වැටුප් කප්පාදුවක් ද පාකිස්තාන අග්රාමාත්යවරයා විසින් නිවේදනය කර තිබෙනවා.
