කොවිඩ් වසංගතය හමුවේ සම්පුර්ණයෙන්ම හුදෙකලා කරනු ලබන ප්‍රදේශ සහ ගංවතුර අවදානමට මුහුණ දුන් ජනතාව වෙත ප්‍රදේශිය ලේකම් කාර්යාල හරහා මුදල් ලබා දීම වෙනුවට රුපියල් 5000ක් වටිනා භාණ්ඩ මල්ලක් ලබාදීම සඳහා කටයුතු කර ඇතැයි වෙළෙඳ අමාත්‍ය බන්දුල ගුණවර්ධන මහතා අද (20) පාර්ලිමේන්තුවේ දී ප්‍රකාශ කළේය.
අමාත්‍යවරයා විසින් එහිදී වැඩිදුරටත් සඳහන් කර සිටියේ ඒ ඒ ප්‍රදේශීය ලේකම්වරයා විසින් රුපියල් 5000ක් වටිනා භාණ්ඩ මල්ලක් මිලදී ගෙන එය නොමිලේ හුදෙකලා කර ඇති ප්‍රදේශවල ජනතාවට සහ ගංවතුර අවදානමට ලක්ව ඇති ජනතාව වෙත ලබාදීමට කටයුතු කරන බවයි.
මෙම ආහාර මලල සඳහා ස.තො.ස විසින් වෙළෙඳපොළේ පවත්නා මිලට වඩා අඩු මිලකට රුපියල් 5000ක් වටිනා බඩුමල්ලක් සැපයීමට කටයුතු යොදා ඇතැයිද අමාත්‍යවරයා සඳහන් කළේය.
එම බඩු මල්ලට අයත් වන භාණ්ඩ පහත පරිදි වෙයි.
- සුදු නාඩු සහල් කිලෝ 10ක්
- රතු කැකුළ සහල් කිලෝ 5ක්
- පාන්පිටි කිලෝ 3ක්
- දෙවැනි බත 350g පැකැට්ටුවක්
- නුඩ්ල්ස් කිලෝ 1ක්
- අර්තාපල් කිලෝ 3ක්
- බීලූණු කිලෝ 3ක්
- රතු පරිප්පු කිලෝ 2ක්
- හාල් මැස්සන් (තායිලන්ත) 500g
- සුදු සීනි කිලෝ 1ක්
- දුඹුරු සීනි කිලෝ 1ක්
- තේ කොළ 200g පැකට් එකක්
- සෝයා මීට් රුපියල් 90ක පැකට් දෙකක්
- ගම්මිරිස් 100g
- ලුණු කැට 1Kg එකක්
- මිරිස් කුඩු 100g
- ක්‍රීම් ක්‍රැකර් බිස්කට් 500g
- මාරි බිස්කට් 230g
- මුහුණු ආවරණ 10ක්
- ITI ආයතනයේ විෂ බීජ නාශක මිලිලීටර් 200ක් බෝතලයක්
යන ද්‍රව්‍ය මෙම සහන බඩුමල්ලට අයත් බව අමාත්‍යවරයා විසින් සඳහන් කළ අතර මෙම බඩුමල්ල වෙනත් සුපිරි වෙළෙඳ සැලකින් ලබා ගැනීමට ගියහොත් ඒ සඳහා රුපියල් 6000කට වඩා වැඩි මුදලක් වැයවනු ඇති බවද සඳහන් කළේය.
එමෙන්ම සම්පුර්ණයෙන්ම වසා දමන කාලය තුළ වූවද ස.තො.ස පාරිභෝගික ජනතාවට භාණ්ඩ ලබා නොදුන්නද, ප්‍රදේශීය ලේකම්වරයා විසින් හෝ එම පළාත භාරව සිටින අනිකුත් වගකිව යුතු පාර්ශයන්ට සහන මල්ල ලබාදීමේ ක්‍රියාවලිය සඳහා විවෘත කර තබන බවද අමාත්‍යවරයා සඳහන් කළේය.
අමාත්‍යවරයා විසින් දැක්වූ සම්පුර්ණ අදහස පහතින්,
wpDiscuz
