ජාතික ජන බලවේගයේ යාපනය දිස්ත්‍රික් පාර්ලිමේන්තු මන්ත්‍රී කරුණානන්දන් ඉලන්කුමාරන් රිය අනතුරකට ලක්ව තිබෙනවා.
චාවකච්චේරිය පොලිස් වසමේ A 32 මාර්ගයේ තිනන්කුලප්පු හන්දිය ප්‍රදේශයේ දී මන්ත්‍රීවරයා ගමන් ගත් මෝටර් රථය මෙලෙස අනතුරට ලක්ව ඇති බවයි පොලිසිය සඳහන් කළේ.
අද (15) පස්වරු 4.00ට පමණ සිදු වූ මෙම අනතුරින් තුවාල ලැබූ මන්ත්‍රී ඉලන්කුමාරන් යාපනය රෝහලට ඇතුළත් කර තිබෙනවා.
මන්ත්‍රීවරයා මෝටර් රථයෙන් මන්නාරම සිට යාපනය බලා ගමන් කරමින් සිටිය දී මෙම අනතුරට මුහුණ පා ඇති බවයි පොලිසිය වැඩිදුරටත් සඳහන් කළේ.
ඉක්මන් සුව ලැබේවා