2024 පාර්ලිමේන්තු මහ මැතිවරණයේ ඡන්ද විමසීම හෙට (14) පෙරවරුවේ ආරම්භ වනවා.
පෙරවරු 7.00ට ආරම්භ වන ඡන්ද විමසීම පස්වරු 4.00 දක්වා පැවැත්වෙන බවයි මැතිවරණ කොමිෂන් සභාව නිවේදනය කළේ.
මේ අතර මැතිවරණ කොමිෂන් සභාවේ සභාපති ආර්.එම්.ඒ.එල්. රත්නායක සියලුම මහජනතාවගෙන් විශේෂ ඉල්ලීමක් කරනවා.
එම කොමිසමේ සභාපතිවරයා ඉල්ලා සිටින්නේ ඡන්දය ප්රකාශකර පසුව සහ ඡන්ද ගණන් කරන අවස්ථාවේ නිවෙස්වල රැඳී සිටින ලෙසයි.
“කිසිම හේතුක් නිසා නිවෙස්වලින් බැහැරව ඡන්ද මධස්ථානය අසළ හෝ මගා මාර්ගවල රැඳී නොසිටින ලෙස සියලුදෙනාගෙන් ඉල්ලා සිටිනවා. විශේෂයෙන් රූපවාහිනී යන්ත්ර හෝ විශාල තිර යොදාගෙන එක්රැස් වී රූපවාහිනී වැඩසටහන් නැරඹීම ඒ වගේම ප්රතිඵල නිකුත්වන අවස්ථාවල රතිඤ්ඤා පත්තු කරමින් ඒකරාශිවීම නීතියට අනුව දඬුවම් ලැබිය හැකි වරදක්, එම ඒකරාශීවීම් අයුතු ජන්රාශී වරදට ගැනෙන නිසා ආරක්ෂක අංශ මඟින් විසුරුවා හැරීමට හෝ එවැනි කණ්ඩායම් අත්අඩංගුවට ගැනීමට හැකියාව තියන නිසා, එවැනි කටයුතුවලින් වැළකී සිටින ලෙස සියලුම මහජනතාවගෙන් ඉල්ලා සිටිනවා”
