එළඹෙන මහ මැතිවරණයේ ඡන්දය ප්‍රකාශ කිරීම වෙනුවෙන් රජයේ සහ පෞද්ගලික අංශයේ සේවකයින් සඳහා නිවාඩු ලබාදීම සම්බන්ධයෙන් මැතිවරණ කොමිෂන් සභාව නිවේදනයක් නිකුත් කර තිබෙනවා.
ඒ, අනුව ඡන්දය පාවිච්චි කිරීම සඳහා සේවා ස්ථානයේ සිට ඡන්ද පොළට ඇති දුර කිලෝමීටර් 40 හෝ ඊට අඩුනම් දින භාගයක නිවාඩුවක් ලබාදිය යුතු වනවා.
කිලෝමීටර් 40 හෝ 100ත් අතර නම් දිනක නිවාඩුවක් ලබාදිය යුතු අතර, දුර ප්‍රමාණය කිලෝමීටර් 100ත් 150ත් අතර නම් දින එක හමාරක නිවාඩුවක් සේවකයාට ලබාදිය යුතුයි.
සේවා ස්ථානයේ සිට ඡන්ද පොළට ඇති දුර ප්‍රමාණය කිලෝමීටර් 150ට වැඩි නම් දින දෙකක නිවාඩුවක් ලබාදිය යුතු බවයි මැතිවරණ කොමිෂන් සභාව නිවේදනය කර ඇත්තේ.
මෙවර මහා මැතිවරණයේ ඡන්ද විමසීම නොවැම්බර් මස 14 වන බ්‍රහස්පතින්දා පැවැත්වීමට නියමිතයි.
