රටේ ව්යවස්ථාදායකය හෙවත් පාර්ලිමේන්තුව යනු උත්තරීතරම ස්ථානය බවත්; ඊට පැමිණිය යුත්තේ ජනතා මුදල් සොරකම් කරන ලද දූෂිතයින් නොව; නීති ගරුක බවින් යුත් බුද්ධිමත් පිරිසක් බව අග්රාමාත්ය ආචාර්ය හරිනි අමරසූරිය මහත්මිය පවසනවා.
ඊයේ (30) ජාතික ජනබලවේගයේ කැස්බෑව කාන්තා හමුවට එක්වෙමින් අග්රාමාත්යවරිය මේ බව සඳහන් කළා.
තමන් සහ ජනපතිවරයා අතර විරසකයක් පවතින බවටත්; මාලිමා ආණ්ඩුව එක්ව මුදල් නෝට්ටු අච්චු ගැසූ බවටත් බොහෝ දෙනෙක් විවේචන කරන බවත්; අල්ලනවා යැයි කියූ හොරුන් අල්ලන්නේ නැද්දැයි යන කාරණය ද ඇතැමුන් දේශපාලන වේදිකාවල ප්රශ්න කරමින් සිටින බවයි අග්රාමාත්යවරිය පැවසුවේ.
රටේ බලය අතට ගත්තේ නව රටක් නිර්මාණය කිරීමට මිසෙක හොරා පොලිස් කිරීමටත් නොවන බවත්; හොරුන්ට හිරේ යාමට හදිසි වුණත් මාලිමා රජය එය ක්රමානුකූලව සිදු කරමින් පවතින බවත් අග්රාමාත්යවරිය වැඩිදුරටත් සඳහන් කළා.
එබැවින් පාර්ලිමේන්තුවේ වෙනස්කම් ඇති කරලීමට අවශ්ය විධායක බලය ලබා දී දූෂිතයින් පිරුණු පාර්ලිමේන්තුව සුද්ද කිරීම මෙවර පාර්ලිමේන්තු මැතිවරණයේ දී සිදු කරන බවයි අග්රාමාත්යවරිය කියා සිටියේ.
