රෙයික්ජානෙස් අර්ධද්වීපයේ ගිනිකඳු පිපිරීමක් හේතුවෙන් දකුණු අයිස්ලන්තයේ හදිසි තත්ත්වයක් ප්‍රකාශයට පත් කර ඇති බව වාර්තා වනවා.
මේ හේතුවෙන් ප්‍රදේශවලින් ඉවත්වන් ලෙසට ජනතාවට දැනුම් දී ඇති අතර, මේ වනවිටත් ග්‍රීන්ඩාවික් නගරය ඇතුළු අවට ප්‍රදේශ ගණනාවකට ලාවා ගලා යමින් පවතින බවයි විදෙස් මාධ්‍ය වාර්තා කරන්නේ.
එලෙස විදාරණය වන ලවා ග්‍රීන්ඩාවික් නගරයේ නැගෙනහිර ආරක්ෂක තාප්පය දක්වාම ගලා විත් තිබෙනවා.
මෙම පිපිරීම හේතුවෙන් කෙෆ්ලාවික් ජාත්‍යන්තර ගුවන් තොටුපළට සහ අනෙකුත් ප්‍රාදේශීය ගුවන් තොටුපළවලට බලපෑමක් සිදුවී නැහැ.
කෙසේ වෙතත් අයිස්ලන්තයේ ගුවන් කලාපය විවෘතව පවතින බවයි එම මාධ්‍ය වැඩිදුරටත් සඳහන් කළේ.
2023 දෙසැම්බරයේ සිට අයිස්ලන්තයේ සිදු වූ සිව්වන එවැනි ගිනිකඳු පිපිරීම මෙය වනවා.
මේ හේතුවෙන් ගිනි කන්දේ බටහිර සහ දකුණු ස්ථාන දෙකකින් ලාවා විදාරණය වෙමින් පවතින බවයි වාර්තා වුණේ.
