පාර්ලිමේන්තු මන්ත්‍රී නාමල් රාජපක්ෂට අයත් බව කියන ගවර්ස් කෝපරේෂන් සර්විස් සමාගම වෙනත් සමාගමක් සමඟ සිදුකළ ගනුදෙනුවක දී රුපියල් ලක්ෂ 300ක මුදලක් අයුතු ලෙස උපයා ගැනීම ඇතුළු චෝදනා යටතේ පවරා තිබූ නඩුවකින් නාමල් රාජපක්ෂ මන්ත්‍රීවරයා නිදහස් කර තිබෙනවා.
මන්ත්‍රී නාමල් රාජපක්ෂට මන්ත්‍රීවරයා ඇතුළු විත්තිකරුවන් පස්දෙනෙක් විත්තියේ සාක්ෂි කැඳවීමකින් තොරවම මෙලෙස නිදොස්කොට නිදහස් කිරීමට කොළඹ මහාධිකරණය නියෝග කළ බවයි අප අධිකරණ වාර්තාකරු සඳහන් කළේ.
පැමිණිල්ලේ සාක්ෂිකරුවන් ලබාදුන් සාක්ෂි අධිකරණයට පිළිගත නොහැකි, විශ්වාසයෙන් තොර සාක්ෂි බවත් අධිකරණය සලකා බලන්නේ විත්තිකරුවන්ගේ තරාතිරම නොව ඔවුන්ට එරෙහිව ගොනුකර ඇති චෝදනා සනාථ කළ හැකි සාක්ෂි පමණක් බව ද අධිකරණය හමුවේ පෙන්වා දුන් කොළඹ මහාධිකරණ විනිසුරු නවරත්න මාරසිංහ මහතා විසින් අද (02) මෙම නියෝගය ලබා දුන්නා.
ඔබේ ප්‍රතිචාරය කුමක්ද ?
+1
1
+1
2
+1
9
+1
2
+1
2
+1
+1
3
