රෝහිත් ශර්මාගෙන් හයේ වාර්තාවක්

ලෝක කුසලාන එක්දින ක්‍රිකට් තරගාවලියේ නවසීලන්තය සමඟ ඊයේ (22) පැවති තරගය කඩුලු 04කින් ජයගන්නට ඉන්දීය කණ්ඩායම සමත් වුණා.

මේ අතර මෙම තරගයේ දී එක්දින පිටියේ වාර්තාවක් අලුත් කරන්නට ඉන්දීය නායක රෝහිත් ශර්මාට හැකියාව ලැබුණා.

ඒ, කැලැන්ඩර වර්ෂයක දී එක්දින පිටියේ හයේ පහර 50ක් හෝ ඊට වැඩි සංඛ්‍යාවක් එල්ල කළ පළමු ඉන්දීය ක්‍රීඩකයා බවට පත්වෙමින්.

රෝහිත් ශර්මා මෙම වසරේ මේ දක්වා ක්‍රීඩාකර ඇති එක්දින තරගවල දී හයේ පහර 53ක් එල්ල කර තිබෙනවා.

රෝහිත්ට පෙර කැලැන්ඩර වර්ෂයක් තුළ එක්දින පිටියේ වැඩිම හයේ පහර සංඛ්‍යාවක් එල්ල කර තිබුණේ දකුණු අප්‍රිකාවේ ඒබී ඩිවිලියර්ස් සහ බටහිර ඉන්දීය කොදෙව් සුපිරි ක්‍රීඩක ක්‍රිස් ගේල් පමණයි.

ඒබී ඩිවිලියර්ස් 2015 වර්ෂයේ දී හයේ පහර 58ක් එල්ල කර තිබූ අතර, 2019 වර්ෂයේ දී ක්‍රිස් ගේල් එක්දින පිටිය තුළ හයේ පහර 56ක් එල්ල කර තිබුණා.

මේ අතර ඊයේ තරගයේ දී ඉන්දීය කණ්ඩායම වෙනුවෙන් වැඩිම හයේ පහර සංඛ්‍යවක් රෝහිත්ගේ පිත්තෙන් වාර්තා වූ අතර, එම සංඛ්‍යාව 04ක්.