උසස් පෙළ විභගය සමතුන්ට පෞද්ගලික විශ්වවිද්යාලවල උසස් අධ්යාපනය හැදෑරීම සඳහා පොළී රහිත ණය ලබාදීමේ ව්යාපෘතිය සඳහා මේ මස 04 වනදා සිට අගෝස්තු මස 07 වනදා දක්වා අයදුම්කළ හැකි බව මුදල් රාජ්ය අමාත්ය රංජිත් සියඹලාපිටිය පවසනවා.
මාධ්ය වෙත අදහස් දක්වමින් රාජ්ය අමාත්යවරයා සඳහන් කළේ 2019, 2020 සහ 2021 යන වර්ෂවල උසස්පෙළට පෙනී සිටි සිසුන්ට මේ සඳහා අයදුම් කිරීමට හැකියාව පවතින බවයි.
ඒ, අනුව අයදුම්කරුවන් 5000ක් සඳහා මෙම පොළී රහිත ණය ලබාදෙන බවයි ඔහු වැඩිදුරටත් පවසා සිටියේ.
මෙම ණය මුදල් සඳහා වන සම්පුර්ණ පොළී මුදල රජය විසින් ගෙවනු ලබන බව රාජ්ය අමාත්යවරයා පැවසුවා.
රැකියා අභිමුඛ පාඨමාලා හැදෑරීමට අපේක්ෂා කරන සිසුන් වෙනුවෙන් මෙහිදී ප්රමුඛතාවක් ලබාදෙන අතර, මෙම අයදුම් කිරීම සඳහා යම් තරගකාරීත්වයක් ඇතිවුවහොත් උසස්පෙළ ප්රතිඵලවල ඉසෙඩ් අගය මත ප්රමුඛතාව ලබාදීමට නියමිත බව සඳහන්.
