හෝටලයක පිහිනුම් තටාකය අසල ඇද වැටීමෙන් පුද්ගලයෙකු මරුට

අහුන්ගල්ල ප්‍රදේශයේ සංචාරක හෝටලයක පිහිනුම් තටාකය අසල ලිස්සා වැටීමෙන් පුද්ගලයෙකු මියගොස් තිබෙනවා.

ඊයේ මෙලෙස මියගොස් ඇත්තේ ප්‍රංශ පුරවැසිභාවය සහිත ශ්‍රී ලාංකිකයෙකු වන 60 හැවිරිදි අයෙක් බවයි අප වාර්තාකරුවන් සඳහන් කළේ.

ඔහු සිය පවුලේ අය සමග මෙරට සංචාරයකට පැමිණ සිටියදී මෙම අනතුරට ලක්ව තිබෙනවා.

පිහිනුම් තටාකය අසල ඇද වැටුණු මෙම පුද්ගලයා බලපිටිය රෝහලට ඇතුලත් කිරීමෙන් අනතුරුව මියගොස් ඇති අතර බලපිටිය පොලිසිය පරීක්ෂණ සිදුකරනු ලබනවා.