වයඹ දිග චීනයේ ෂින්ජියැන්ග් ප්‍රදේශයේ රන් ආකරයක සිරවූ පුද්ගලයන් 18 දෙනෙකු බේරා ගැනීමට සහන කණ්ඩායම් විශේෂ මෙහෙයුමක් ආරම්භ කර තිබෙනවා.
ඊයේ පස්වරුවේ පතල කඩා වැටී ඇති අතර කඩාවැටෙන අවස්ථාවේ පතලේ පුද්ගලයන් 40 දෙනෙකු සේවය කරමින් සිටි බවටයි අනාවරණ වී ඇත්තේ.
ඉන් කම්කරුවන් 22 දෙනෙකු බේරාගෙන ගොඩට ගෙන ඇති අතර තවත් 18 දෙනෙකු සිරවී සිටින බව සඳහන්.
කසකස්තාන දේශසීමාවේ සිට කිලෝමීටර් 100ක් පමණ ඈතින් පිහිටි යිනිං ප්‍රාන්තයේ මෙම අනතුර සිදුව තිබෙනවා.
මෑත කාලීනව චීනයේ පතල්වල ආරක්ෂාව වැඩි වී ඇති තිබුණ ද ආරක්ෂක උපදෙස් බොහෝ විට නොසලකා හැරීම හමුවේ විශේෂයෙන් ම කුඩා පතල්වල අනතුරු තවමත් වාර්තා වන බවයි එරට මාධ්‍ය වාර්තාවල දැක්වෙන්නේ.
පසුගිය වසරේ සැප්තැම්බර් මාසයේදී වයඹ දිග Qinghai පළාතේ ගල් අඟුරු ආකරයක් කඩා වැටීමෙන් පසු සිරවී සිටි පතල් කම්කරුවන් 19 දෙනෙකු දීර්ඝ සෝදිසි කිරීම්වලින් පසු මියගොස් සිටියදී සොයා ගනු ලැබුවා.
2021 දෙසැම්බර් මාසයේ උතුරු ෂැන්සි පළාතේ ගංවතුරට හසු වූ ගල් අඟුරු පතලකින් පතල් කම්කරුවන් 20 දෙනෙකු බේරා ගත් අතර තවත් දෙදෙනෙක් මිය ගියා.
අනතුරට හේතුව මෙතෙක් අනාවරණය වී නැහැ.
චීනය ලොව විශාලතම පතල් කර්මාන්තයක් ඇති රට වන අතර එය ලොව විශාලතම ගල් අඟුරු නිෂ්පාදකයා ද වනවා.
කෙසේ වෙතත්, චීන පතල් අතිශයින්ම භයානක ලෙසටයි සැලකෙන්නේ.
දුර්වල ආරක්ෂිත ක්‍රමවේද සහ අධීක්ෂණය නොමැතිකම හේතුවෙන් පතල් කම්කරුවන් නිතර මිය යන බව සඳහන්.
