රටේ පැවති දැඩි විදේශ විනිමය අර්බුධය හමුවේ භාණ්ඩ වර්ග 1465ක් සඳහා ආපනය සීමා පැනවුව ද මේ වන විට ඉන් භාණ්ඩ 795ක ආනයන සීමා ඉවත් කර ඇති බව මුදල් රාජ්ය අමාත්ය ආචාර්ය රංජිත් සියඹලාපිටිය පවසනවා.
රුවන්වැල්ල ප්රදේශයේ විහාරස්ථානයක අද (24) උදෑසන පැවති වැඩසටහනකින් අනතුරුව මාධ්යවේදීන් ඇසූ ප්රශ්නවලට පිළිතුරු දෙමින් අමාත්යවරයා මේ බව ප්රකාශ කළා.
එහිදී වැඩිදුරටත් අදහස් දැක්වූ අමාත්යවරයා සඳහන් කළේ තවදුරටත් ආනයන සීමා පනවා ඇති භාණ්ඩ වර්ග 670 අතුරින් දේශිය වශයෙන් නිපදවිය හැකි භාණ්ඩ රැසක් පවතින බවයි.
ඒ, අනුව එම භාණ්ඩවල හැර අනිකුත් භාණ්ඩවල ආනයන සීමා ලිහිල් කිරීම සම්බන්ධයෙන් සලකා බලමින් පවතින බව අමාත්යවරයා මෙහිදී සඳහන් කර සිටියා.
කෙසේ වෙතත් කටුව රහිත පොල් මද , වෙසක් කූඩු, සරුංගල් , උණ බට ආශ්රිත නිෂ්පාදන ඇතුළු දේශිය වශයෙන් නිපදවිය හැකි භාණ්ඩ තවදුරටත් අසීමිතව ගෙන්වීමට කටයුතු කරනවා ද නොඑසේ නම් ඒවා දේශිය වශයෙන් නිපදවා ජාතියක් වශයෙන් නැගී සිටිනවාද යන්න සකසා බලන ලෙස ඉල්ලා සිටින බවත් අමාත්යවරයා පෙන්වා දුන්නා.
