Rajapura Handi Oil
Rajapura Diabetic Powder

අපේක්ෂිත ඇපයක් ඉල්ලා ශිරන්තිගෙන් ඇප අයැදුම්පත්‍රයක්

හිටපු ජනාධිපති මහින්ද රාජපක්ෂගේ බිරිඳ වන මේරි ලුවිස් ශිරන්ති රාජපක්ෂ විසින් තමන් අත්අඩංගුවට ගැනීමේ අවදානමක් පවතින බව සඳහන් කරමින් අපේක්ෂිත ඇප ඉල්ලා මාලිගාකන්ද මහේස්ත්‍රාත් අධිකරණයට අද (05) පෙත්සමක් ගොනු කර තිබෙනවා.

නීතිඥ ජයබාලන් මාර්ගයෙන් මෙම පෙත්සම ඉදිරිපත් කර ඇති අතර, එහි පෙත්සම්කාරිය ලෙස ශිරන්ති රාජපක්ෂ නම් කර ඇති බවත්, වගඋත්තරකරු ලෙස අපරාධ පරීක්ෂණ දෙපාර්තමේන්තුවේ අධ්‍යක්ෂවරයා නම් කර ඇති බවත් සඳහන්.

තමන්ට ප්‍රකාශයක් ලබාදීම සඳහා පොලිස් මූල්‍ය අපරාධ විමර්ශන කොට්ඨාසය (FCID) හමුවේ පෙනී සිටින ලෙස දැනුම්දී ඇති බව පෙත්සමෙන් සඳහන්.

කෙසේ වෙතත්, රෝගී තත්ත්වයක් හේතුවෙන් වෛද්‍ය ප්‍රතිකාර ලබාගැනීම සඳහා තමන් විදේශගතව සිටින බව ශිරන්ති රාජපක්ෂ අධිකරණයට දැනුම්දී තිබෙනවා.

ඇය සැප්තැම්බර් 16 වැනිදා සිංගප්පූරුව බලා පිටත්ව ගොස් ඇති අතර, ඊට පෙර දින අසනීප තත්ත්වයක් හේතුවෙන් කොළඹ පෞද්ගලික රෝහලකට ඇතුළත් කර තිබූ බවද වාර්තා වනවා.

විදේශගතව සිට නැවත ශ්‍රී ලංකාවට පැමිණෙන අවස්ථාවේ බණ්ඩාරනායක ජාත්‍යන්තර ගුවන්තොටුපළේදී තමන් අත්අඩංගුවට ගැනීමේ හැකියාවක් පවතින බැවින්, එවැනි අත්අඩංගුවට ගැනීමක් සිදුවුවහොත් අධිකරණය විසින් නියම කරනු ලබන ඕනෑම කොන්දේසියකට යටත්ව තමන් ඇප මත මුදාහරින ලෙස ඇය සිය පෙත්සමෙන් ඉල්ලා තිබෙනවා.

ශිරන්ති රාජපක්ෂට සැප්තැම්බර් 24 වැනිදා මූල්‍ය අපරාධ විමර්ශන කොට්ඨාසය හමුවේ පෙනී සිටින ලෙස දැනුම්දී තිබූ බව පොලිසිය මීට පෙර ප්‍රකාශ කර තිබුණා.

එහෙත් ඇයගේ පාර්ශ්වය සඳහන් කර තිබුණේ ඇය ගුවන්තොටුපළට පැමිණ විදේශගත වීමට සූදානම් වනතුරු එවැනි කැඳවීමක් ලැබී නොතිබූ බවත්, අදාළ දැනුම්දීම ලැබුණේ ඇය ගුවන්තොටුපළේ සිටියදී බවයි.

අදාළ විමර්ශනය “සිරිලිය සවිය” පදනමට සම්බන්ධ මූල්‍ය ගනුදෙනු පිළිබඳව සිදුකෙරෙන බව මීට පෙර පොලිසිය සඳහන් කර තිබුණා.

සැප්තැම්බර් 24 වැනිදා FCID හමුවේ පෙනී සිටීමට නොහැකි බව ඇයගේ නීතිඥවරයා දැනුම්දී තිබූ අතර, ඒ වනවිට ඇය සිංගප්පූරුවේ වෛද්‍ය ප්‍රතිකාර ලබමින් සිටින බවද සඳහන් කර තිබුණා.

අපේක්ෂිත ඇප ඉල්ලීමට අදාළ පෙත්සම අද (05) පස්වරුවේ මාලිගාකන්ද මහේස්ත්‍රාත් ජනනි පෙරේරා මහත්මිය හමුවේ කැඳවා ඇති අතර, එය නැවත හෙට (06) දිනයේ කැඳවීමට නියම කර තිබෙනවා.

කෙසේ වෙතත්, අදාළ පෙත්සම ගොනු කිරීමෙන් ශිරන්ති රාජපක්ෂට එරෙහි චෝදනාවක් සනාථ වී ඇති බවක් අදහස් නොවන අතර, ඉදිරි නීතිමය තීරණ අධිකරණ ක්‍රියාවලිය අනුව සිදුවනු ඇති.



අපගේ නවතම වීඩියෝ පුවත්
Video thumbnail
බිමල්ට පුදුම අමාරුවක් තියෙන්නේ - මගේ කතාව නවත්තලා වින්දනයක් ලබනවද?
Video thumbnail
නාමල්ට එක නීතියකුත් ජයකොඩිට තව නීතියකුත් වෙන්නේ කොහොමද..?
00:48
Video thumbnail
චාමර යකා නටයි - බල්ලොන්ටත් බලු වැඩ කරපු ආණ්ඩුවක් මේක
23:54
Video thumbnail
ත්‍රිකුණාමලය යුද හමුදා කඳවුරේත් විශාල ගින්නක් හටගෙන
01:05
Video thumbnail
නාමල් සහ චාමර වෙනුවෙන් දයාසිරි පාර්ලිමේන්තුවේ දෙවනත් කරයි
21:05
Video thumbnail
මීහරකෙක් ගියාම තණකොළ තමයි පේන්නේ - ඇමති හර්ෂණ විපක්ෂයට රිදෙන්නම දෙයි
15:54
Video thumbnail
අගමැතිනි ඉස්සරහා තියාගෙනම සජිත් කිව්ව කතාව
16:14
Video thumbnail
උදෙන්ම පන්නිපපිටිය රත්කළ ගින්නේ ඔබ නොදුටු දර්ශන
03:00
Video thumbnail
රට පරිවර්තනය වෙන වෙලාවේ විපක්ෂයත් පරිවර්තනය වෙන්න ඕනේ
16:43
Video thumbnail
මහින්ද කවදාවත් නංගි පෙන්නලා අක්කා දුන්නේ නෑ
12:16