2025 වසර සඳහා වන විසර්ජන පනත් කෙටුම්පත (අයවැය) අද (21) පාර්ලිමේන්තුවේ වැඩි ජන්දයෙන් සම්මත වුණා.
අද (21) පාර්ලිමේන්තුවේ දී සම්මත වූ 2025 මුදල් වර්ෂය සදහා වන විසර්ජන පනත් කෙටුම්පතට ආණ්ඩුක්රම ව්යවස්ථාවේ 79 ව්යවස්ථාව ප්රකාරව කතානායක වෛද්ය ජගත් වික්රමරත්න විසින් අද සහතික කළා.
ඒ, අනුව මෙම විසර්ජන පනත් කෙටුම්පත 2025 අංක 3 දරණ විසර්ජන පනත ලෙස බලාත්මක වනවා.
විසර්ජන පනත් කෙටුම්පත තෙවනවර කියවීමේ ඡන්ද විමසීම පස්වරු 7.40ට ආරම්භ කෙරුණු අතර, එහිදී පක්ෂව ඡන්ද 159ක්ද විපක්ෂ ඡන්ද 45ක් ද හිමි වුණා.
ඒ අනුව 2025 විසර්ජන පනත් කෙටුම්පත වැඩි ඡන්ද 114 කින් පාර්ලිමේන්තුවේ දී සම්මත වුණා.
2025 වසර සඳහා වන විසර්ජන පනත් කෙටුම්පත දෙවැනිවර කියවීම හෙවත් ‘අයවැය කථාව’ මුදල් අමාත්යවරයා ලෙස ජනාධිපති අනුර කුමාර දිසානායක පෙබරවාරි 17 වැනිදා පාර්ලිමේන්තුවට ඉදිරිපත් කළා.
අනතුරුව පෙබරවාරි 18 සිට 25 දක්වා, දින 07ක් විසර්ජන පනත් කෙටුම්පත (අයවැය) දෙවැනි වර කියවීමේ විවාදය පැවැත් වුණා.
ඒ අනුව පෙබරවාරි 25 වැනි දින පැවති විසර්ජන පනත් කෙටුම්පත දෙවැනිවර කියවීම වැඩි ඡන්ද 109 කින් පාර්ලිමේන්තුවේ දී සම්මත වුණා.
අනතුරුව විසර්ජන පනත් කෙටුම්පතට අදාළ කාරක සභා අවස්ථා විවාදය පෙබරවාරි 27 සිට අද (21) දිනය දක්වා දින 19ක් පැවැත් වුණා.
