2024 පාර්ලිමේන්තු මහ මැතිවරණයේ ඡන්දය සලකුණු කිරීමේ කටයුතු මීට ටික වේලාවකට (14) පෙර අවසන් කෙරුණා.
මැතිවරණ කොමිෂන් සභාව නිවේදනය කර සිටියේ අද උදෑසන 07 සිට පස්වරු 04 තෙක් පමණක් ඡන්ද මධ්‍යස්ථානවල ඡන්දය ප්‍රකාශ කිරීමේ අවස්ථාව සලසා ඇති බවයි.
ඒ අනුව දිවයින පුරා මැතිවරණ කොට්ඨාස 22ක් පදනම් කරගනිමින් මෙවර ඡන්ද විමසීමේ කටයුතු සිදු කෙරුණා.
ඡන්ද මධ්‍යස්ථාන 13,314ක දී එක්කෝටි හැත්තෑ එක් ලක්ෂ හාරදහස් තුන්සිය පනස් හතරක ලියාපදිංචි ඡන්ද දායකයින් සංඛ්‍යාවක් මෙවර ඡන්දය භාවිත කිරීමට සුදුසුකම් ලබා තිබෙනවා.
මෙවර මහ මැතිවරණයට අපේක්ෂකයින් 8888 දෙනෙකු තරග වදිනවා.
අද පස්වරු 04ට අවසන් කෙරුණු ඡන්ද සලකුණු කිරීමේ කටයුතුවලින් අනතුරුව තේරීම් භාර නිලධාරීන්ගේ පූර්ණ අධීක්ෂණය යටතේ දැඩි පොලිස් ආරක්ෂාවක් මධ්‍යයේ ඡන්ද පෙට්ටි දිවයින පුරා පිහිටි ඡන්ද ගණනය කිරීමේ මධ්‍යස්ථාන 54ක් දක්වා රැගෙන යාම සිදු කරනු ඇති.
මෙවර 10 වැනි පාර්ලිමේන්තුව තෝරාපත් කරගැනීමට මන්ත්‍රීවරුන් 196 දෙනෙකු මහජන ඡන්දයෙන් සෘජු ඡන්දයෙන් පැමිණෙන අතර සෙසු 29 දෙනා පැමිණෙන්නේ ජාතික ලැයිස්තුවෙනි.
මන්ත්‍රීවරුන් 196 දෙනාගෙන් මන්ත්‍රීවරුන් 160 දෙනෙකු මැතිවරණ කොට්ඨාස යටතේ පැමිණෙන අතර තවත් 36 දෙනෙකු පළාත් මන්ත්‍රී ධුර නියෝජනය කරමින් සිව්දෙනා වශයෙන් පාර්ලිමේන්තුවට සුදුසුකම් ලබනු ඇති.
නව පාර්ලිමේන්තුව එළඹෙන 21 වැනිදා රැස්වීමට නියමිතයි.
