වවුනියාව උක්කුලාන්කුලම පිල්ලයාර් කෝවිලේ පැවති වෙන්දේසියක දී අඹ ගෙඩියක් රුපියල් එක්ලක්ෂ හැටදෙදහසක මුදලකට ඊයේ (26) සවස අලෙවි වී තිබෙනවා.
කෝවිලේ වාර්ෂික මංගල්ලය වෙනුවෙන් පැවති වෙන්දේසියේදී යි අඹ ගෙඩියක් මෙලෙස ඉතා ඉහළ මිලකට අලෙවි වී ඇත්තේ.
උක්කුලාන්කුලම ප්‍රදේශයේ පදිංචි කාන්තාවක් අඹ ගෙඩිය රුපියල් 162000ක මුදලකට ලබා ගෙන තිබෙනවා.
කෝවිලේ සංවර්ධන කටයුතු වෙනුවෙන් කෝවිල් පාලක සභාව විසින් මෙම වෙන්දේසිය සංවිධාන කර තිබුණා.
මීට දින කිහිපයකට පෙර උක්කුලාන්කුලම ප්‍රදේශයේම කෝවිලක වෙන්දේසියකදි අඹ ගෙඩියක් රුපියල් 85000ක මුදලකට වෙන්දේසි වූ බවයි අප වාර්තාකරු සඳහන් කළේ.
උතුරු පළාතේ හින්දු කෝවිල්වල වාර්ෂික උත්සව මේ දිනවල පවත්වන අතර ඒ වෙනුවෙන් සහභාගී වීමට විදේශගතව සිට මෙරටට පැමිණ සිටින ගම්වාසීන් ලක්ෂ ගණන් මුදල් ලබාදී තමන්ගේ ගම්මානවල කෝවිල් සංවර්ධනය කරන බව ප්‍රදේශවාසීන් ප්‍රකාශ කර තිබෙනවා.
