දූෂණ චෝදනා එල්ල වූ ඔස්ට්රෙලියානු මහ කොමසාරිස් කාර්යාලයේ හිටපු නියෝජ්ය මහ කොමසාරිස්වරියක් ලෙස සේවය කළ හිමාලි අරුණාතිලක මහත්මිය සම්බන්ධයෙන් එල්ල වන චෝදනා සම්පූර්ණයෙන්ම අසත්ය බව අමාත්ය විජිත හේරත් මහතා පවසනවා.
අමාත්යවරයා මේ බව සඳහන් කළේ; රජයේ ප්රවෘත්ති දෙපාර්තුමේන්තුවේ අද (20) පැවති මාධ්ය හමුවකට එක්වෙමින්.
සේවිකාවකට වැටුප් ගෙවීම සම්බන්ධයෙන් ඇය කිසිදු වංචාවක් සිදුකර නොමැති බවයි අමාත්යවරයා පැවසුවේ.
හිමාලි අරුණාතිලක මහත්මිය මේ වනවිට ජිනීවා මානව හිමිකම් කවුන්සිලයේ ශ්රී ලංකාවේ නිත්ය නියෝජිතවරිය ලෙස කටයුතු කරන අතර ඇය රට වෙනුවෙන් අදටත් සේවය කරමින් සිටින බව ද අමාත්ය විජිත හේරත් මහතා පැවසුවා.
ඇය ඔස්ට්රේලියානු මහ කොමසාරිස් කාර්යාලයේ නියෝජ්ය මහ කොමසාරිස්වරියක් ලෙස සේවය කරමින් සිටිය දී මෙරට සේවිකාවකට නිසි ලෙස වැටුප් නොගෙවීම සම්බන්ධයෙන් ඇයට එරෙහිව ඔස්ට්රේලියාවේ ෆෙඩරල් අධිකරණයේ දී ඩොලර් ලක්ෂයකට අධික දඩයක් නියම කෙරුණා.
ඒ සම්බන්ධයෙන් මාධ්යවේදියෙක් අසන ලද පැනයකට පිළිතුරු දෙමින් අමාත්යවරයා සඳහන් කළේ, ඇය කිසිදු පෞද්ගලික වංචාවක් සිදුකර නොමැති අතර රාජ්ය තාන්ත්රික පුද්ගලයින් සඳහා සේවයේ නිරත අයට වැටුප් ගෙවනු ලබන්නේ ලංකා ආණ්ඩුවෙන් බවයි.
එම නිසා හිමාලි අරුණාතිලක මහත්මිය මුහුණදුන් අපහසුතාව පිළිබඳ රජයක් ලෙස තමා කනගාටු වන බව ද මෙම ගැටලුව ලංකාවේ වැටුප් තල අඩු මට්ටමේ පැවතීම හේතුවෙන් පැන නැගී ඇති තත්ත්වයක් වන බවත් ඒ සම්බන්ධයෙන් විදේශ කටයුතු අමාත්යාංශය හා රජය ඉදිරියේ දී ප්රතිපත්තිමය තීන්දුවක් ගන්නා බව අමාත්යවරයා වැඩිදුරටත් කියා සිටියා.
wpDiscuz
