හිටපු අමාත්‍ය නිමල් සිරිපාල ද සිල්වා මහතාට එරෙහිව අල්ලස් සම්බන්ධයෙන් වන පැමිණිල්ලක් ගොනු වී තිබෙනවා.
අද (04) පෙරවරුවේ අල්ලස, දූෂණය, නාස්තියට එරෙහි පුරවැසි බලය විසින් මෙම පැමිණිලි අල්ලස් හෝ දූෂණ විමර්ශන කොමිෂන් සභාව වෙත සිදු කරනු ලැබූ බවයි දසත වාර්තාකරු පැවසුවේ.
එම චෝදනා ප්‍රකාරව හිටපු අමාත්‍යවරයා අයථා ලෙස උපයන ලද වත්කම් ඔහුගේ බිරිඳට, පෙම්වතියට හා හිතවතුන්ගේ නම්වලට බැර කර ඇති බවටයි පැමිණිලිකරුවන් චෝදනා කර ඇත්තේ.
ඒ සම්බන්ධයෙන් කඩිනමින් විමර්ශනයක් ආරම්භ කරන ලෙසට පැමිණිලිකරුවන් ඉල්ලා සිටිනවා.
මීට අමතරව පසුගිය ආණ්ඩු සමයේ එළුවන් අභිජනනය කිරීමේ දී සිදු වූ අක්‍රමිකතාවක් සහ සමන්ත විද්‍යාරත්න වේදිකාවේ දී කළ වෙළෙඳ දැන්වීමක් සඳහා කෝටි ගණනක මුදලක් වියදම් කළ බවට කියවෙන තොරතුරක් සම්බන්ධව ද මෙහිදී අල්ලස් කොමිසමට පැමිණිලි ඉදිරිපත් කිරීම අල්ලස, දූෂණය, නාස්තියට එරෙහි පුරවැසි බලයේ සාමාජික කාමන්ත තුෂාර විසින් සිදු කරනු ලැබුවා.
