සබරගමුව පළාත් සභාවට අදාළ ව්යාපෘති 77කට අදාළ ව රුපියල් 71,645,226.32 ක සාවද්ය පරිහරණය කිරිම සම්බන්ධව ඇඹිලිපිටිය ප්රාදේශීය සභාවේ හිටපු නිලධාරීන් කිහිපදෙනකු මේ මස 08 වැනිදා තෙක් රිමාන්ඩ් භාරයේ තබන ලෙස ඇඹිලිපිටිය ප්රධාන මහේස්ත්රාත් තිළිණ මහේෂ් පීරිස් මහතා නියෝග කළා.
මෙසේ රිමාන්ඩ් භාරයට පත් කෙරුණේ, ඇඹිලිපිටිය ප්රාදේශීය සභාවේ හිටපු තාක්ෂණ නිලධාරි වයි.එම්.පී බණ්ඩාර, හිටපු ලේකම්වරයෙකු වු සිංගප්පුලි ආරච්චිගේ චින්තක කුමාර සහ හිටපු විෂය ලිපිකරුවෙකු වු විතාරණගේ අමල් තුෂාර යන තිදෙනා යි.
2016 සහ 2017 වර්ෂ සදහා ඇඹිලිපිටිය ප්රාදේශීය සභාවේ විවිධ ව්යාපෘතිවලට යෙදවීමේදී ව්යාපෘති 77කට අදාළ ව, රුපියල් 7,16,45,226.32ක මුදලක් වංචා කිරිම සම්බන්ධයෙන් 2023 ජනවාරි 20 දින අපරාධ පරීක්ෂණ දෙපාර්තමේන්තුවට ලැබුණු පැමිණිල්ලට අනුව සැකකරුවන් අත්අඩංගුවට ගෙන තිබුණා.
සබරගමු පළාත් සභාවේ පළාත් මාර්ග සංවර්ධන, ග්රාමීය යටිතල පහසුකම්, සංචාරක, ක්රීඩා යෞවන කටයුතු අමාත්යාංශයේ ලේකම් බමුණුආරච්චිගේ චාමර ප්රේමනාත් යන අය විසින් අපරාධ පරීක්ෂණ දෙපාර්තමේන්තුවේ මුල්ය හා වාණිජ අපරාධ දෙපාර්තමේන්තුවට මේ පිළිබඳ ව පැමිණිලි කර තිබූ බවයි දසත අධිකරණ වාර්තාකරු පැවසුවේ.
රුපියල් 71,645,226.32ක මුදලක අලාභයක් සිදු කිරීම,එම මුදල් සාපරාධී සාවද්ය පරිහරණය, සාපරාධී විශ්වාසය කඩකිරීම, කූඨ ලේඛන සකස් කිරිම,පොදු දේපල විෂයෙහිලා සිදු කරනු ලබන වැරදි සම්බන්ධයෙන් සැකකරුවන් අත්අඩංගුවට ගෙන තිබුණා.
wpDiscuz
