ඔස්ට්‍රෙලියානු ටෙස්ට් ක්‍රිකට් කණ්ඩායමේ දඟ පන්දු යවන්නෙකු වන මැතිව් කුහ්නමන්ට (Matthew Kuhnemann) ශ්‍රී ලංකාවට යාමට අවසර හිමි ව තිබෙනවා.
ඒ එළඹෙන 29 වැනි දින ශ්‍රී ලංකාවට එරෙහිව ආරම්භ වීමට නියමිත ටෙස්ට් තරගාවලිය සඳහා සිය කණ්ඩායම සමග එක් වීමටයි.
පසුගිය සතියේ BBL තරගාවලිය ක්‍රීඩා කරන අතරතුර මැතිව්ගේ දකුණු අතේ මාපටැඟිල්ල ආබාධයකට ලක් වූ අතර එය සැත්කමකින් පසුව සුව අතට පත් වුණා.
ඉන් අනතුරුව ඔහු පුහුණුවීම්වලට එක් වූයේ වෛද්‍ය නිර්දේශය මතයි.
ඒ අනුව මේ වනවිට ප්‍රමාණවත් තරම් සුව වීමක් ඇති හෙයින් මැතිව් හට ශ්‍රී ලංකාව බලා පිටත් ව යාමට අවසර හිමි ව තිබෙනවා.
වමත් දඟ පන්දු යවන්නෙකු වන කුහ්නමන්, ආධුනික ක්‍රීඩකයෙකු ලෙස ශ්‍රී ලංකාවට එරෙහි ටෙස්ට් තරගාවලියට එක්වීමට ආරාධනා ලැබ සිටින 18 හැවිරිදි වික්ටෝරියානු පිතිකරු ඔලිවර් පීක් සමඟ මේ සති අන්තයේ දී ශ්‍රී ලංකාවට පැමිණෙනු ඇති.
