කැලණිවැලි දුම්රිය මාර්ගයේ අවිස්සාවේල්ල සිට කොළඹ දෙසට ධාවනය වීමෙන් තිබූ දුම්රියක් පාදුක්ක – ලියන්වල, තුත්තිරිපිටිය ප්රදේශයේ දී සුඛෝපභෝගී ජීප් රථයක ගැටීමෙන් අනතුරක් සිදු ව ඇති බව මීගොඩ පොලිසිය පවසනවා.
අනතුරට ලක් වූ සුඛෝපභෝගී ජීප් රථය දුම්රිය හරස් මාර්ගයකින් ඇතුළු කිරීමට යාමේ දී මෙලෙස දුම්රියෙහි ගැටී ඇති බවත්, අදාළ අනතුර සිදුවන අවස්ථාවේ දී දුම්රිය හරස් මාර්ග ගේට්ටුවේ රාජකාරි කළ පුද්ගලයා එම ස්ථානයේ නොසිටි බැවින් එම ගේට්ටුව වසා නොතිබූ බවට තොරතුරු අනාවරණය වී ඇතැයි ද පොලිසිය සඳහන් කළා.
අනතුරින් ජීප් රථයෙහි ගමන් ගත් රියදුරු තුවාල ලබා පාදුක්ක ප්රාදේශීය රෝහලට ඇතුළත් කර ඇති අතර ඔහුට සුළු තුවාල ඇති බැවින් තත්ත්වය බරපතළ නොවන බවයි වාර්තා වන්නේ.
අනතුරට ලක් වූ දුම්රිය කැලණිවැලි දුම්රිය මාර්ගයේ උදෑසන කාලයේ ධාවනය වන අවසන් දුම්රිය බවත් අනතුර සිදුවීමෙන් පසු දුම්රියෙහි එන්ජිම යළි ක්රියාකාරිත්වයට පත් නොවීම නිසාවෙන් එම දුම්රිය ධාවනය අත්හිටවූ බව පාදුක්ක දුම්රිය ස්ථානයේ නිලධාරියකු ප්රකාශ කළා.
