“සීතාවක ඔඩිසි” ගමන් අරඹයි

සීතාවක ඔඩිසි සංචාරක දුම්රියේ මංගල චාරිකාව අද (15) උදෑසන කොටුව දුම්රිය ස්ථානයෙන් ගමන් ආරම්භ කෙරුණා.

ඒ ප්‍රවාහන, මහාමාර්ග හා ජනමාධ්‍ය අමාත්‍ය බන්දුල ගුණවර්ධනගේ ප්‍රධානත්වයෙන්.

සීතාවක පුරවරය නවතම සංචාරක කලාපයක් ලෙස සංවර්ධනය කිරීමේ අරමුණින් යුතුවයි මෙම නව දුම්රිය සේවය ආරම්භ කර ඇත්තේ.

ප්‍රවාහන, මහාමාර්ග හා ජනමාධ්‍ය අමාත්‍යාංශය, ශ්‍රී ලංකා දුම්රිය දෙපාර්තමේන්තුව සහ බස්නාහිර පළාත් සංචාරක මණ්ඩලය එක්ව මෙම ව්‍යාපෘතිය ක්‍රියාත්මක කරනවා.

සීතාවක ඔඩිසි සංචාරක දුම්රියේ මංගල චාරිකා ගමනට දෙස් විදෙස් සංචාරකයන්, මෙන්ම මාධ්‍යවේදීන් ඇතුළු පිරිසක් ද එක්ව සිටියා.