සිනමාවේ ප්රගමනය රටේ පුරවැසියාගේ අධ්යාත්මික සංවර්ධනයට බලපාන බවත් එනයින් දේශීය සිනමා කර්මාන්තය රැක ගනිමින්ම විදෙස් සිනමා නිර්මාණ නැරඹීමේ අවස්ථාව ශ්රී ලාංකික ප්රේක්ෂකයාට ලබා දිය යුතු බවත් ජනාධිපතිවරයා පවසනවා.
ජනාධිපති අනුර කුමාර දිසානායක මේ බව ප්රකාශ කළේ සිනමාපට බෙදා හරින්නන් සහ නිෂ්පාදකයින් සමඟ අද (26) පෙරවරුවේ ජනාධිපති කාර්යාලයේදී සාකච්ඡාවකට එක් වෙමින්.
කර්මාන්තයක් ලෙස ඔවුන් මුහුණ දෙන ගැටලු පිළිබඳව මෙහිදී දීර්ඝ ලෙස සාකච්ඡාවට ලක් වූ අතර එම ගැටලු සියල්ලටම ජනාධිපතිවරයා විසින් සාධනීය පිළිතුරු ලබා දෙනු ලැබුවා.
විශේෂයෙන් අගය එකතු කළ බද්ද (VAT) ගෙවීමේදී සිදු වී ඇති අක්රමිකතා සහ කර්මාන්තය පුළුල් කිරීමේදී පවතින සීමාවන් පිළිබඳ සිනමා පට බෙදා හරින්නන් සහ නිෂ්පාදකයින් විසින් ජනාධිපතිවරයා වෙත කරුණු පැහැදිලි කර තිබෙනවා,
2025 වසරේදී සිනමාව කර්මාන්තයක් ලෙස ඉතිහාසයේ ඉහළම ආදායම් වාර්තා හිමි කර ගෙන ඇති බවත් එය අඛණ්ඩව පවත්වා ගෙන යාම සඳහා රජයේ සහාය ලබා දෙන ලෙසත් ඔවුහු ජනාධිපති අනුර කුමාර දිසානායකගෙන් ඉල්ලා සිටියා.
බුද්ධශාසන, ආගමික සහ සංස්කෘතික කටයුතු අමාත්ය හිනිදුම සුනිල් සෙනෙවි, ජාතික චිත්රපට සංස්ථාවේ සභාපති සුදත් මහදිවුල්වැව සහ සාමාන්යාධිකාරී රුවන් ප්රේමවීර යන ය රජය නියෝජනය කරමින් මෙම සාකච්ඡාවට එක්ව සිටියා.
සිනමාපට බෙදා හරින්නන් සහ නිෂ්පාදකයින් නියෝජනය කරමින් ප්රවීන රංගන ශිල්පී සනත් ගුණතිලක, ජානකී විජේරත්න , ජනිත් ප්රසන්න විතානගේ, තුෂාන් රනගන මීමනගේ, රුවිඳු ගුණරත්න, අනුර ජසෙන්තුලියන, ඉම්තියාස් කාදර්, ගංගා රතුවිතාන සහ අනුෂ්ක එගොඩවත්ත යන අය මෙම අවස්ථාවට සහභාගී වී සිටියා.
